Real Madridi e konfirmon lëndimin e Courtois

Real Madridi ka konfirmuar se portieri belg, Thibaut Courtois, ka pësuar lëndim në ije të këmbës së majtë dhe pritet të mungojë për të paktën dy ndeshjet e radhës.

Courtois ishte në qendër të vëmendjes gjatë barazimit 1:1 të Real Madridit me rivalët e qytetit Atletico Madrid. Belgu ishte sulmuar gjatë gjithë ndeshjes për shkak të së kaluarës së tij me Rojiblancos. Pas golit të Eder Militaos, portieri u pa duke goditur nga tifozët, të cilët vazhduan të gjuanin objekte ndaj 32-vjeçarit. Ndeshja më pas u ndërpre përkohësisht përpara se loja të rifillonte pasi tifozët ishin qetësuar. Pas rifillimit, Courtois dukej se mori një dëmtim, i cili tashmë është konfirmuar nga Real Madrid.

Athletic ka raportuar se Courtois ka të ngjarë të humbasë të paktën dy ndeshje duke përfshirë ndeshjen e së mërkurës në Ligë të Kampionëve kundër Lille dhe ndeshjen e së shtunës në La Liga kundër Villarreal. Portieri belg pasi nuk paraqitet më për kombëtaren e tij për shkak të problemeve me trajnerin, pritet të kthehet pas ndeshjeve të Ligës së Kombeve, saktësisht më 19 tetor ndaj Celta Vigos.

Për shkak të problemit me kombëtaren belge, Courtois do të humbasë vetëm dy ndeshje zyrtare në përgjithësi dhe do të shpresojë të rikthehet kur Real Madrid të kthehet në fushë pas ndeshjeve të kombëtareve.