Real Madrid publikon listën ndaj Getafes, mungojnë Benzema, Rodrygo dhe Alaba

Real Madrid tashmë e ka bërë publike listën e 20 lojtarëve për t’u përballur me Getafen, sfidë që zhvillohet të shtunën me fillim nga ora 21:00.

Në listën e të ftuarve është rikthyer mbrojtësi Ferland Mendy, që ishte i lënduar nga fillimi i prillit mirëpo u kthye në stërvitje ditë më parë.

Sidoqoftë, trajneri Carlo Ancelotti ka vendosur t’i jep pushim futbollistëve si Karim Benzema, Rodrygo dhe David Alaba, duke i lërë të bëhen gati për ndeshjen kthyese në Ligën e Kampionëve.

Lista e plotë e Real Madridit:

Portierë: Courtois, Lunin dhe Luis Lopez

Mbrojtësit: Militao, Vallejo, Nacho, Odriozola, Lucas, Rudiger dhe Mendy

Mesfushorët: Kroos, Modric, Camavinga, Valverde, Tchouameni dhe Ceballos

Sulmuesit: Hazard, Asensio, Vinicius dhe Mariano.

Është raportuar se Eden Hazard dhe Mariano Diaz mund të nisin nga minuta e parë, se bashku me Lucas Vazquez me spanjollin që do të jetë alternativa e Dani Carvajal që është i suspenduar.

Përndryshe, Real Madrid e ka humbur titullin e La Liga-s te Barcelona, skuadër kjo që pritet të shpallet zyrtarisht në vikend nëse mposht Osasunan.