Reagon ashpër ish kapiteni i Kosovës Rashkaj: As në Hollywood s'sheh këso skenash

Ish kapiteni i Kombëtares së Kosovës Anel Rashkaj ka reaguar ashpër pas ndeshjes Ferizaj - Dukagjini, duke shkruar se ka degraduar futbolli i Kosovës.

Dukagjini akuzohet se e shiti ndeshjen ndaj Ferizajt me Altik Muhaxhirin që pranoi një gol qesharak duke ia siguruar vendasve barazhin.

Pas asaj fitore të Ferizajt dhe humbjes së Prishtinës, Dukagjini e zuri pozitën e katërt derisa Trepça '89 ra nga liga.

Lidhur me këtë ka reaguar edhe Rashkaj, i cili shkroi se këso skenash nuk sheh as në Hollywood.

Postimi i plotë pa ndërhyrje:

"Marre

E keni degradu futbollin NKosovë.

As nfilma Hollyëoodit nuk she ksi skena.

Me pas qef futbollin edhe me dit(kuptu) futbollin jan dy gjëra tndryshme", shkroi ai.