Raphinha vetëm lojtari i katërt që i ka shënuar het-trik Bayern Munichut në Ligë të Kampionëve
Raphinha i është bashkuar Ronaldos dhe Agueros në një rekord, pasi i shënoi het-trik Bayern Munichut, në ndeshjen e Ligës së Kampionëve për Barcelonën.
Sulmuesi brazilian, i cili ka qenë në formë mahnitëse kohët e fundit, iu deshën afër 60 sekonda për të hapur llogarinë e tij për natën në një takim me gjigantët gjermanë në Katalonjë. Raphinha gjithashtu do të gjente objektivin në minutën e fundit të pjesës së parë, përpara se të çonte topin në rrjetë për herë të tretë kur po bëheshin një orë lojë.
Ish-ylli i Leeds, Raphinha tani është duke mbajtur shiritin e kapitenit për Barcelonën – pasi pa Marc-Andre ter Stegen pësoi një dëmtim të rëndë në gju – dhe po kërkon të japë shembull. Ai me siguri e përmbushi atë detyrë kundër Bayernit, i cili për pak kohë riktheu barazinë në fushë kur sulmuesi Harry Kane shënoi.
Raphinha është bërë vetëm lojtari i katërt që regjistron një het-trik kundër Bayern Munich në Ligë të Kampionëve. Ai është i pari që e arrin këtë arritje që kur superylli portugez Ronaldo e bëri atë për Real Madridin në prill 2017.
Sulmuesi argjentinas Aguero shënoi një het-trik për Manchester City kundër Bayern në nëntor 2014, ndërsa sulmuesi holandez Roy Makaay – i cili kaloi katër vjet në Allianz Arena midis 2003 dhe 2007 – ishte i pari që mori një top ndeshje kundër gjigantit të Bundesligës kur shënonte për Deportivo La Coruna në shtator 2002.
4 - Raphina is the fourth player to score a hat-trick against FC Bayern in European Cup/UCL history, after Roy Makaay, Sergio Aguero and Cristiano Ronaldo. Star-hour. #FCBFCB pic.twitter.com/KnyIY1Rjbl
— OptaFranz (@OptaFranz) October 23, 2024
Raphinha tani ka nëntë gola për Barcelonën këtë sezon, duke i lënë atij vetëm një gol më pak me totalin që ai ka arritur në secilën nga dy sezonet e tij të mëparshme me gjigantët e LaLigës. Ata do të rikthehen në fushë të shtunën, kur do të marrin pjesë në një përplasje El Clasico me rivalët kryesorë Real Madrid.
