PSG-ja njofton se Mbappe do të mungojë kundër Bayern Munich në Ligën e Kampionëve
Kylian Mbappe pritet të mungojë të paktën tri javë për shkak të një lëndimi në kofshe, dhe si pasojë nuk do të mundë të luajë në ndeshjen e parë të Paris Saint-Germainit kundër Bayern Munich në një të tetën e finales në Ligën e Kampionëve më 14 shkurt.
PSG-ja njoftoi të enjten se yllit të saj francez do t’i nevojiten rreth tri javë për ta rimarrë veten nga lëndimi i kofshës.
Mbappe u lënduar herët në pjesën e parë në fitoren e kampionit francez 3:1 kundër Montpellier në Ligue 1 të mërkurën. Paraprakisht, ai i kishte humbur dy penallti radhazi dhe kishte dështuar të shënonte në portën boshe nga topi i kthyer.
“Testet mjekësore konfirmuan se Kylian Mbappe e pësoi një lëndim të vogël në kofshe. Ai pritet të mungojë rreth 3 javë”, njoftoi PSG-ja.
Përveç përballjes së parë më Bayernin në rrethin e 16 më të mirëve në Ligën e Kampionëve, Mbappe do të mungojë edhe kundër Toulouse të shtunën në Ligue 1, kundër Marseille të mërkurën më 8 shkurt në Kupën e Francës.
Po ashtu edhe kundër Monacos në Ligue 1 më 11 shkurt.
Megjithatë, kampioni në fuqi i Francës shpreson se do ta ketë të gatshëm Mbappen për ndeshjen e kthimit me Bayernin më 8 mars.
PSG-ja është goditur nga një valë lëndimesh në skuadër në ditët e fundit.
Përveç Mbappes, ndeshjen kundër Montpellier u detyrua ta braktisë në pjesën e parë edhe qendërmbrojtësi Sergio Ramos, meqenëse lëndimi i tij duket të jetë ende më i lehtë.
Ndërkohë, Neymari mungoi në ndeshjen e së mërkurës për shkak të lodhjes muskulore, por në të njëjtën kohë ai është duke u riaftësuar edhe nga një shqetësim në nyjën e këmbës, pas lëndimit që e kishte pësuar në Kupën e Botës në dhjetor.
