Pronarët e Newcastle United po shqyrtojnë mundësinë e blerjes së Romës

Pronarët e Newcastle United që vijnë nga Arabia Saudite, raportohet se janë duke shqyrtuar mundësinë për ta blerë Romën me një marrëveshje gjigante që shkon në vlerën e 768 milionë funteve.

Fondi i Investimeve Publike Saudite përfundoi marrjen e Laraskave në tetor të vitit 2021 në një marrëveshje prej 300 milionë funtesh (408 milionë dollarë), duke i dhënë fund mandatit 14-vjeçar të Mike Ashley në St James' Park. Tani, sipas botimit italian La Repubblica, po zhvillohen bisedime me pronarët amerikanë të Romës, Dan dhe Ryan Friedkin dhe PIF për të përfunduar këtë blerje të madhe (970 milion dollarë). Raportimi shton se ata po planifikojnë të investojnë edhe 258 milionë funte (325 milionë dollarë) për të ndërtuar një stadium të ri në Pietralata, Romë.

Në raportim thuhet se pronarët e Romës e vlerësojnë klubin në 1 miliardë funte (1.26 miliardë dollarë), kështu që mund të jetë një pengesë për çdo marrëveshje. Nëse kjo blerje do të ishte i suksesshëm, ky do të ishte një shembull tjetër i madh i Arabisë Saudite që përdor fuqinë e saj financiare për të investuar në futboll. PIF është pjesë e shtetit saudit dhe thuhet se ka burime deri në 1.1 trilionë funte (1.38t dollarë).

Kur Friedkin Group mori Romën në vitin 2020 për 532 milionë funte (700 milionë dollarë), pronarët thanë se donin ta bënin klubin e Serisë A një nga "emrat më të mëdhenj në futbollin botëror". Ndërsa ata fituan Ligën e Konferencës së Evropës në vitin 2022, kjo shpallje e guximshme, me siguri, ende nuk ka ndodhur.

Jashtë fushës, negociatat për këtë çështje ka të ngjarë të vazhdojnë. Në fushë, Roma po zhvillon ndeshjen me Interin në Serie A, ku janë duke fituar me rezultat 2:1 pas pjesës së parë.