Pëlqehet nga Milan dhe Barcelona, Man United synon t'ia aktivizojë rinovimin e kontratës Dalotit
Manchester United është i gatshëm t'ia aktivizojë rinovimin e kontratës për një vit mbrojtësit Diogo Dalot, duke marrë parasysh interesimin nga Barcelona dhe AC Milan.
Kontrata e portugezit në "Old Trafford", skadon në verën e ardhshme dhe raportohet vazhdimisht se disa klube të mëdha evropiane janë duke e vëzhguar. Mirëpo, nga ana tjetër United ka mundësinë që t'ia vazhdojë kontratën për një vit, gjë të cilën e bëjnë të shumica e lojtarëve.
23-vjeçari ka pasur një edicion interesant në "Old Trafford" duke u bërë zgjedhja e parë nën urdhrat e Erik ten Hag, duke luajtur në 17 paraqitje në të gjitha garat.
Ai ka luajtur në çdo ndeshje të Premierligës dhe Ligës së Evropës për Ten Hagun këtë edicion.
Man United duan ta mbajnë në skuadër portugezin dhe pritet t'ia vazhdojnë kontratën automatikisht deri në fundin e sezonit 2023/24, derisa të negociojnë një kontratë afatgjatë, sipas "The Sun".
Dalot ka qenë i lidhur me Barcelonën dhe AC Milan, ku ai kaloi një sezon në huazim.
United do të përpiqet të sigurojë që ai të qëndrojë përtej këtij sezoni të paktën me opsionin e një zgjatjeje njëvjeçare, megjithëse Dalot refuzoi të diskutojë të ardhmen e tij afatgjatë pas fitores së tyre 1-0 ndaj West Ham të dielën.
Dalot i tha Sky Sports: “Unë nuk mendoj se është koha për të menduar për situatën time të kontratës. Jemi në proces për të përmirësuar lojën tonë si ekip.
“Më pëlqen të luaj për Man United siç përpiqem ta tregoj gjithmonë. Jam i lumtur - kjo është gjëja më e rëndësishme.'
Trajneri Ten Hag gjithashtu lavdëroi Dalot pas fitores ndaj West Ham.
“Jam shumë i lumtur me zhvillimin e Diogo. Ai ka bërë shumë mirë. Siç e përmendët ju [Gary Neville], keni luajtur vetë në atë pozicion, kështu që mund të jeni kritik sepse dini si të luani atje, por mendoj se pozicionet e tij mbrojtëse po rriten nga ndeshja në ndeshje. Koha e tij, edhe duelet e tij, janë më të mira nga ndeshja në ndeshje.
“Në posedim, mendoj se ai është vërtet i mirë dhe ka frymë për të shkuar lart e poshtë [në krahun].
“Zhvillimi është vërtet i mirë, por më duhet të përmend se një klub si Manchester United ka nevojë për dy mbrojtës të mirë, sepse kemi shumë ndeshje për të mbuluar”.
Dalot iu bashkua “Djajve të Kuq” për 19 milionë funte në verën e vitit 2018 nga Porto.
Ai bëri 34 paraqitje në të gjitha garat në dy sezonet e tij të para në United përpara se të huazohej për sezonin te AC Milan në 2020-2021 pasi ra në favor të Ole Gunnar Solskjaer.
Norvegjezi ende preferonte Aaron Wan-Bissaka në kthimin e Dalot në “Old Trafford”, por shefi i përkohshëm Ralf Rangnick e pëlqeu atë dhe siguroi që ai të luajë 30 herë në të gjitha garat sezonin e kaluar.
