Pavarësisht diferencës së madhe në pikë, Xavi beson se Barcelona mund ta fitojë La Ligën

Trajneri i Barcelonës, Xavi Hernandez, beson se skuadra e tij ka shanse për ta fituar La Ligën, pavarësisht se gjendet tetë pikë larg liderit aktual, Gironës.

Kampioni në fuqi i Spanjës, Barcelona ka humbur pikë në shtatë raste - duke barazuar pesë ndeshje dhe duke humbur dy - në La Liga këtë sezon, duke i lënë ata larg liderit të shokuar Girona dhe shtatë pas Real Madridit. Pavarësisht rezultateve jo bindëse të skuadrës së tij, trajneri është i bindur se ata mund të kthehen në tabelë.

Xavi u tha gazetarëve: "Ne do ta përballojmë gjysmën e dytë të sezonit me plot optimizëm. Situata nuk është e lehtë, është e vështirë sepse ka një hendek të madh mes nesh dhe Madridit ose Gironas. Por ne mendojmë të kthehemi nga kjo diferencë për të fituar La Ligën. Është një gjë e mundshme dhe ne do ta provojmë”.

Paraqitjet zhgënjyese të skuadrës së Camp Nou kanë ndezur raportimet se Xavi po përballet me shkarkimin. Ish-mesfushori insistoi se do të largohet nëse e kupton se lojtarët e tij nuk kanë besim tek ai. Ai tha: "Ditën që lojtarët e mi të mos më ndjekin më, do të bëj valixhet gati dhe do të largohem. Kur dikush më thotë se ka një problem, unë do të largohem".

Skuadra katalanase do të shpresojë të shmangë një rritje më të madhe të diferencës në pikë me Gironën dhe Madridin këtë javë kur të përballet me Real Betis në La Liga të dielën.