Pas paraqitjes fantastike në Ligë të Kampionëve, Raphinha flet për të ardhmen te Barcelona

Ylli i Barcelonës, Raphinha, prerazi ka bërë të qartë synimin për të qëndruar te katalunasit, pavarësisht se ka interesim për të nga Anglia dhe Arabia Saudite.

Reprezentuesi brazilian i dha lamtumirën Premierligës kur përfundoi një transferim për shumë të madhe nga Leeds në Camp Nou në verën e vitit 2022. Ai ka treguar se çfarë është në gjendje të bëjë gjatë kohës që është në Katalunia, me 18 gola të regjistruar në 80 paraqitje.

Megjithatë, ka pasur shumë spekulime që sugjerojnë se anësori 27-vjeçar mund të jetë ndër ata që Barça kërkon ta shesë për të mbledhur fonde. Një rikthim në Premierligë ose një kalim në Lindjen e Mesme është diskutuar për Raphinhan.

Vetë lojtari pretendon se nuk ka menduar për të ardhmen e tij, me Raphinha që u tha gazetarëve pasi shënoi një dygolësh vendimtar për Barçën në fitoren 3:2 ndaj Paris Saint-Germain në ndeshjen e parë të ndeshjes së tyre çerekfinale të Ligës së Kampionëve: “Unë Kam edhe disa vite në kontratën time dhe kam në plan t'i përmbush ato, e kam thënë tashmë shumë herë se nënshkrimi për Barcelonën ishte një ëndërr dhe do të bëj gjithçka që është e mundur për të qëndruar këtu për shumë vite”.

Kontrata e Raphinhas do të zgjasë deri në vitin 2027. Ai përballet me një konkurrencë të ashpër në Camp Nou, krahas kërcënimit gjithnjë të pranishëm që Barça të zhytet përsëri në tregun e transferimeve për përforcime të mëtejshme, por beson se ai ka një rol për të luajtur për gjigantët e La Ligës në një kohë afatgjate.