Pamje: Mbrojtësi i Chelseat shënon autogol qesharak, tifozët e tallin
Reece James, mbrojtësi anësor i Chelseas, ka qenë cak i sulmeve të tifozëve në rrjetet sociale, pas golit qesharak që shënoi në portën e tij në një ndeshje përgatitore në Amerikë.
Golat e Timo Werner e Mason Mount, bënë që ai autogol të harrohej për Chelsean, në fitoren 2:1 të skuadrës së Thomas Tuchel ndaj Club America, ndeshje që u zhvillua në Las Vegas në orët e hershme të mëngjesit të së dielës.
Por tifozët e futbollit si në çdo rast qesharak, as këtu nuk harruan të shpërndajnë pamjet nga gafa e James, dhe shumë shpejt u bë virale në Twitter.
Një përdorues i Twitterit postoi një video me autogolin qesharak duke e shoqëruar me fjalët:
“Reece James autogol kundër Club America, çfarë dreqin është kjo.”
Reece James Own Goal vs Club America wtf is this pic.twitter.com/ZOxp9TDdYe
— lmm (@lmm01525586) July 17, 2022
Në video shihet, Jorginho, Cesar Azpilicueta dhe Mason Mount duke kombinuar dhe duke u munduar ta humbin shpërqendrimin e sulmit të skuadrës meksikane, pastaj Mount e pason topin te mbrojtësi i Kombëtares angleze i cili mundohet ta gjejë portierin e skuadrës, e që ishte jashtë pozicionit të tij.
Në portë për Chelsean ishte portieri i tretë Marcus Bettinelli, i cili nuk ka përvojën e duhur dhe një pasim i Reece James, e pa topin në golin që kishte liruar për të krijuar hapësirë për pasime.
Një tifoz shkroi një Tweet, duke thënë: “Reece James është një mashtrues”, e shoqëruar me dy emoji duke qeshur.
Në një postim tjetër shkruhej: “Zoti im, autogoli i Reece James është i tmerrshëm.”
Ndërsa një tjetër nuk kishte harruar të përmendte edhe portierin që ishte bashkëfajtor te goli, duke thënë: “Nuk është vetëm faji i Reece James. Portieri ishte ende më gabim.”
Disa nga ngacmimet tjera në rrjetet sociale mund t’i shihni më poshtë me anë të fotove.
