Pamje: Guardiola e shpreh nervozen në gjyqtarin e takimit pasi Manchester City u eliminua nga Newcastle Unitedi në Kupën Carabao
Newcastle Unitedi i eliminoi tetë herë kampionët e Kupës Carabao, Manchester City, në raundin e tretë të kësaj gare, në natën e kaluar, me ‘Laraskat’ që fituan me rezultat minimal 1:0 ndaj ‘Qytetarëve’.
Goli i Alexander Isak në pjesën e dytë ishte i mjaftueshme për t'i dhënë ‘Laraskave’ një fitore 1:0 ndaj skuadrës së Pep Guardiolës. Spanjolli u pa i nervozuar pas ndeshjes teksa iu afrua gjyqtarit Chris Kavanagh dhe dukej se po debatonte me të. Në pjesën e dytë, Manuel Akanji dhe Kalvin Phillips morën të dy kartonë të verdhë për faulle, përpara se Guardiola të gjendej në librin e ndëshkimeve pasi lejoi që nervozizmi i tij të kalonte limitet e gjyqtarit kryesor.
Pep Guardiola is NOT happy...😤 pic.twitter.com/TprSE7bTTL
— Sky Sports Football (@SkyFootball) September 27, 2023
Humbja e Manchester Cityt ndaj Newcastle në raundin e tretë pason një eliminim në çerekfinale nga Southampton sezonin e kaluar. Rezultati do të thotë se çdo shpresë që skuadra e Guardiolës të plotësojë katërfishin tashmë ka përfunduar, megjithëse trajneri tha pas ndeshjes se do të ishte "më se i lumtur" me një tjetër tripletë.
Manchester City i Guardiolës ndeshjen e radhës e luan kundër Wolverhampton Wanderers të shtunën, më 30 shtator në stadiumin Molineux.
