Pamje: Felix ndëshkohet me karton të kuq në debutimin me Chelsean, pas një ndërhyrje horror që shkaktoi

Joao Felix nuk e ka nisur në formën më të keqe aventurën te Chelsea. Sulmuesi portugez u përjashtua nga loja në ndeshjen debutuese, pas një ndërhyrje të vrazhdë që bëri në mbrojtësin Antonee Robinson.

Përfaqësuesi portugez, Joao Felix, e nisi mbrapsht kapitullin e tij të ri si lojtar i Chelseat. Sot, në debutimin që bëri në Premierligë kundër Fulhamit, menjëherë ishte protagonist për të keq.

Ballina / Zyrtare: Joao Felix kalon te Chelsea

Në minutën e 58-të ai u ndëshkua direkt me karton të kuq, pas një ndërhyrje vërtet të rrezikshme në këmbët e mbrojtësit Robinson.

Kështu ai u bë futbollisti i parë debutues i Chelseat që përjashtohet nga loja në ndeshjen e tij të parë me “Të Kaltrit”. Një episod ky që rrodhi vetëm nëntë minuta pasi Chelsea ia doli ta barazonte rezultatin në 1:1.

Falë këtij naiviteti të treguar nga Felix, Fulham reaguan duke shfrytëzuar superioritetin numerik, gjë që ua mundësoi shënimin e golin të dytë në minutën e 73-të. Ishte Carlos Vinicius ai që përfitoi mjaft mirë nga asisti i dhënë nga Pereira, duke e rikthyer sërish epërsinë në favor të skuadrës nikoqire.

Në minutat e mbetura skuadra e Fulham arriti ta menaxhojë kapitalin prej një goli, i favorizuar shumë edhe nga fakti që ishte me një lojtar më shumë në fushë për më shumë se gjysmë orë lojë.

Në minutat e mbetura skuadra e Fulham arriti ta menaxhojë kapitalin prej një goli, i favorizuar shumë edhe nga fakti që ishte me një lojtar më shumë në fushë për më shumë se gjysmë orë lojë.

Pra, Felix u bë një arsye e fortë pse Chelsea hasi në vështirësi akoma më të mëdha seç ishte kur skuadrat ishin të përbëra në fushë 11 me 11. Debutim për t’u harruar për të.