“Pa vaksinë nuk mund të hysh” – Ministri Çeku i kundërpërgjigjet Djokovicit që tha se dëshiron të kthehet në Kosovë

Ministri i Kulturës, Rinisë dhe Sportit, Hajrulla Çeku, i ka reaguar tenistit serb, Novak Djokovic, duke i thënë se pa vaksinë nuk mund të hysh në Kosovë, me serbin që tha se dëshiron të kthehet për t’i pagëzuar fëmijët kosovar.

Djokovic, i cili pasi Kosova e shpalli pavarësinë më 2008 doli me një mesazh kundërshtues duke e quajtur Kosovën Serbi, vazhdon të mbajë qëndrim të njëjtë edhe 15 vite pas.

Tenis / Djokoviq: Kosova në zemrën e çdo serbi, dua të kthehem për t’i pagëzuar fëmijët atje

“Dua ta shkoj në Kosovë me bashkëshorten time Jelena, për t’i pagëzuar fëmijët tanë, Stefanin tetëvjeçar dhe Tarën pesëvjeçare. E di se kjo temë është shumë e ndjeshme”, tha Djokovici për mediat italiane, ku po merr pjesë në masterin Roma Open.

Ministri Çeku reagoi në rrjetin social në Twitter duke shkruar: “Pa vaksinë nuk mund të hysh.”

Djokovic, babai i të cilit u lind në Zveçan, njihet si mohues i krimeve serbe në Bosnje dhe Kosovë dhe ka qenë kundërshtar i zëshëm i pavarësisë së Kosovës.

"Ende ka konflikt, vetëm se jo me armë tani, por tensionet ndihen. Nuk dua të përfshihem në politikë, por Kosova është në zemrën e çdo serbi, është qendra e identitetit, kulturës, traditës dhe fesë sonë”, shtoi ai.