Pa fitues mes Spanjës e Brazilit
Spanja dhe Brazili kanë barazuar në derbin që u zhvillua në "Santiago Bernabeu".
Vendasit ishin më të mirë shumicën e kohës, por që epilogu përfundimtar rezultoi të jetë 3:3
Spanja e nisi për mrekulli duke krijuar disa aksione të shpejta me anësorin Lamine Yamal, që ishte makth për mbrojtësit brazilian.
Talenti i Barcelonës bëri disa driblime fantastike brenda zonës duke fituar penallti, të cilën e konkretizoi në gol Rodri (12’).
Yamal më pas asistoi për Dani Olmon, që gjithashtu dribloi brenda zonës duke e dyfishuar epërsinë (36’).
Sidoqoftë, portieri Simon bëri një gabim amator duke ia falur topin Rodrygos, i cili me një parabolë e ngushtoi epërsinë (40’).
Brazili e nisi më bindshëm pjesën e dytë, ku Endrick realizoi një supergol vollej për ta barazuar rezultatin vetëm disa minuta pasi u inkuadrau (50’).
Megjithatë, krejt në fund Brazili shkaktoi një tjetër penallti, ku sërish i pagabueshëm ishte Rodri që e riktheu sërish avantazhin e spanjollëve (87’).
Sidoqoftë, kur askush s'e priste Carvajal preku topin me dorë brenda zonës duke shkaktuar një 11-metërsh, nga ku realizoi Lucas Paqueta për epilogun përfundimtar 3:3.
