Osimhen vendos të mos e padisë Napolin për videot tallëse në TikTok
Agjenti i Victor Osimhen, Roberto Calenda, nuk do të marrë masa ligjore ndaj Napolit, pas ngjarjeve kontroverse në rrjetin social TikTok, ku kampioni i Italisë dukej se po tallte yllin e skuadrës.
Sulmuesi 24-vjeçar nigerian ishte në fokus të dy videove veçanërisht që u bënë virale ditët e fundit, e para duke tallur humbjen e penalltisë kundër Bolognës dhe e dyta duke e krahasuar atë me një arrë kokosi.
Osimhen u tërbua me videot dhe Napoli përfundimisht i fshiu ato, por pas kësaj doli agjenti i tij Calenda dhe vuri në dukje se si përgjigje po shqyrtoheshin veprimet ligjore. Klubi lëshoi një deklaratë zyrtare të enjten në përgjigje, por u kritikua gjerësisht për mungesën e një kërkim faljeje.
Faqja 10 e gazetës së sotme të Gazzetta dello Sport detajon sesi agjenti i Osimhen, Calenda ka vendosur të mos ngrejë padi kundër Napolit pas publikimit të deklaratës së tyre.
Kontrata e sulmuesit nigerian skadon në qershor të vitit 2025 dhe një rinovim duket tepër i pamundur në këtë fazë, duke e bërë një mundësi reale një largim brenda 12 muajve të ardhshëm.
