"Nuk largohem edhe nëse luajmë në Championship" - Guardiola i zotohet Manchester Cityt, pasi klubi rrezikon dënim për 115 akuza

Trajneri i Manchester Cityt, Pep Guardiola, i ka premtuar klubit të tij se nuk largohet, edhe nëse klubi dënohet dhe dërgohet një ligë më poshtë për thyerje të rregullave financiare, për të cilat 'Qytetarët' kanë 115 akuza zyrtare.

City është ende duke pritur për të dëgjuar rezultatin e hetimit të Premierligës ndaj tyre pasi u godit nga 115 akuza në shkurt për shkelje të rregullave financiare. Guardiola u ankua për faktin se shumë njerëz tashmë kanë vendosur që City është fajtor dhe po bëjnë thirrje që ata të bien nga elita angleze. Megjithatë, ai këmbënguli se do të qëndronte në krye të klubit të Manchesterit çfarëdo që të ndodhë.

Ai tha: "Për momentin jemi të pafajshëm derisa të vërtetohet se jemi fajtorë. E di që njerëzit e duan fajësinë tonë. E di, e ndjej. Do të pres. Prisni dhe shikoni dhe pasi të jetë kryer dënimi, unë do të vij këtu dhe do ta shpjegoj. Por absolutisht nuk do ta konsideroj të ardhmen time (nëse) varet të jem këtu ose të jem në Ligën 1. Absolutisht. Ka më shumë mundësi për të qëndruar nëse jemi në Ligën 1 sesa nëse do të ishim në Ligën e Kampionëve."

Everton u bë klubi i parë i Premierligës që mori një sanksion sportiv për shkeljen e rregulloreve financiare kur Toffees iu zbritën 10 pikë në fillim të këtij muaji, duke e zhytur skuadrën e Sean Dyche në zonën e rënies. Guardiola, megjithatë, nuk pranoi të komentojë mbi dënimin dhe këmbënguli se rastet e dy klubeve ishin të ndryshme.

Futboll / Manchester City mund të dënohet me pikë, akuzohet për shumë shkelje të FPF-së

“[Njerëzit thonë] 'Pse Everton është dënuar për zbritjen e 10 pikëve, pse është Man City jo?' Janë dy raste të ndryshme, nuk është njësoj”, shtoi Guardiola. "Sinqerisht, unë fola me njerëzit e mi [ata] thanë se është krejtësisht ndryshe. Mirë, tjetra është më e gjatë sepse është më e ndërlikuar, janë 115 shkelje. Pra prisni. Pastaj kur avokatët nga të dyja palët të paraqesin çështjet e tyre përpara gjyqtarit dhe ka një vendim, mund të më bëni pyetjen”.

City pret Liverpoolin në një përballje për kreun e tabelës në Premierligë të shtunën. Qytetarët aktualisht janë në krye të tabelës, megjithëse skuadra e Jurgen Klopp do të udhëtojë për një fitore dhe ta rrëmbejë vendin e parë.