Neymar kthehet në fushë pas 12 muajve: Jam shumë i lumtur

Neymar ka bërë paraqitjen e parë pas më shumë se një viti mungesë për shkak të një dëmtimi të rëndë që pësoi në ligamentin kryqëzor.

Ai hyri nga banka rezervë dje në pjesën e dytë, ku Al Hilal po përballej me Al Ain në Ligën e Kampionëve të Azisë.

Ylli brazilian zëvendësoi Nasser Al Dawsarin në minutën e 77-të, vetëm pasi Salem Al Dawsari kishte shënuar het-trik për të kaluar Al Hilal 5:3 në avantazh. Ai thuajse bëri një ndikim të menjëhershëm, duke shkëmbyer pasime me Aleksandar Mitrovic për të krijuar hapësirë ​​përpara se të gjuante shumë pranë portës.

Ndeshja përfundoi 5:4 për Al Hilal pasi Al Ain me bazë në Emiratet e Bashkuara Arabe shënoi një penallti në sekondat e fundit për të ngushtuar rezultatin.

Në fushë pas fishkëllimës së plotë, Neymar tha: "Ndihem mirë... Unë kam gjithmonë një ekip të mirë. Jam shumë i lumtur. Jam kthyer! Jam kthyer!"

Ish-lojtari i Paris Saint-Germain pësoi një dëmtim të ligamentit të gjurit gjatë ndeshjes kualifikuese të Brazilit kundër Uruguait, pak pasi iu bashkua Ligës Pro Saudite (SPL). Ai iu nënshtrua një operacioni nëntorin e kaluar.

Neymar iu bashkua Al Hilalit në gusht 2023 nga PSG në një transferim prej 90 milionë eurosh, por luajti vetëm pesë ndeshje para se të pësonte lëndimin.

Ish-klubi i Neymar, Santos, e uroi lojtarin për rikthimin e tij në një postim në X.

“Ishte më shumë se 12 muaj larg fushës, me një dëshirë të pamatshme për t'u rikthyer për të bërë atë që ai e do aq shumë”, shkruan klubi brazilian.

"Neymar nuk është thjesht një yll. Nuk është thjesht gjeni. Neymar është sinonim i gëzimit në futboll. Rikthimi i tij është lumturia e miliona tifozëve në mbarë botën. Dhe, kur bëhet fjalë për tifozët, fansat e Santos ka një ndjenjë të pakrahasueshme. Një lidhje më se e veçantë me lojtarin më të mirë brazilian të viteve të fundit”.

Foram mais de 12 meses longe dos gramados, com uma saudade imensurável de voltar a fazer o que tanto ama.

Neymar não é apenas craque. Não é apenas gênio. Neymar é sinônimo de alegria no futebol. Seu retorno é a felicidade de milhões de torcedores ao redor do mundo. E, quando o… pic.twitter.com/Twzbj8G1y1

— Santos FC (@SantosFC) October 21, 2024

Neymar mori gjithashtu një mesazh nga Konfederata e Futbollit të Brazilit (CBF) e cila shkroi: "Neymar është përfaqësimi i magjisë së futbollit brazilian dhe mahnit tifozët nga e gjithë bota. Tifozët nga i gjithë planeti me krenari veshin fanellat e Kombëtares braziliane, Santos, PSG, Barcelona dhe Al Hilal me numrin 10 dhe emrin e Neymar në shpinë “CBF feston kthimin dhe uron Neymar, një nga lojtarët më të mëdhenj në historinë e futbollit botëror, për rikthimin e tij në fushë."

Sulmuesi, i cili është golashënuesi më i mirë i të gjitha kohërave të Brazilit, humbi Kupën e Amerikës 2024 që u fitua nga Argjentina.

Ai ka të drejtë të luajë në Ligën e Kampionëve AFC pasi nuk ka kufizime për numrin e lojtarëve të huaj. Megjithatë, ai do të jetë në gjendje të regjistrohet vetëm në janar për gjysmën e dytë të sezonit të Ligës Pro Saudite.

Ekipet e SPL kanë kufizime në numrin e lojtarëve të huaj që mund të regjistrohen.

Tetë lojtarë të huaj të lindur para vitit 2003 mund të regjistrohen në skuadër, ndërsa rregullat lejojnë dy lojtarë të huaj të lindur në 2003 ose më pas. Kontrata e Neymar me Al Hilal skadon në qershor 2025.

Kampionët saudit Al Hilal, të trajnuar nga trajneri portugez Jorge Jesus, kryesojnë renditjen vendase duke i fituar të shtatë ndeshjet e tyre.

CBF, ndërkohë, shpreson të ketë Neymar në dispozicion në kohë për kualifikimet e Kupës së Botës në nëntor kundër Venezuelës dhe Uruguait.

Brazili është i katërti në grupin kualifikues të Kupës së Botës, katër pikë larg Argjentinës kryesuese pas 10 ndeshjeve.