Munishi: Mbarë bota është për Messin për ta fituar këtë Botëror
Ismet Munishi në kuadër të emisionit "Dueli Botëror" deklaroi se Lionel Messi përkrahët nga e gjithë bota për ta fituar Botërorin e sivjem.
Trajneri i Prishtinës, Ismet Munishi, vlerëson që Argjentina ka gjasa të theksuara për të ngadhënjyer në finale ndaj Francës, marrë parasysh formës që tregoi dje kundër Kroacisë.
"Argjentina kundër Kroacisë luajti në stilin e kampionit. Nëse është Messi në formë atëherë gjasat janë shumë të mëdha për Argjentinën. Argjentina luajti jashtëzakonisht mirë ndaj Kroacisë. Shumë të organizuar në fazën e mbrojtjes dhe shumë të qartë në tranzicion", tha ai.
Njashtu, Munishi u shpreh i bindur se të gjithë futbolldashësit anëmbanë do ta përkrahin Messin për ta fituar këtë Kupë të Botës: "Mbarë bota është për Messin për ta fituar këtë Botëror."
