"Mund të kisha bërë më shumë" - Mbappe merr përgjegjësinë pasi PSG dështoi të fitonte ndaj Newcastle United
Ylli francez, Kylian Mbappe, ka thënë se mund të bënte më shumë në ndeshjen e dominuar të Paris Saint-Germain ndaj Newcastles, që përfundoi me barazim 1:1, fal një penallti shumë të diskutuar në minutat e fundit për kampionin francez.
24-vjeçari francez luajti plot 90 minuta në Parkun e Princave të martën, teksa ishte aty në kohën shtesë për të shënuar golin e barazimit nga pika e bardhë, pasi Tino Livramento u gjykua se kishte prekur me dorë topin në zonën e rrezikshme.
Paris Saint Germain siguroi barazimin 1:1 dhe ruajti pozicionin e tyre në vendin e dytë në Grupin F, me 'Laraskat' që ndjekin nga afër në vendin e tretë, vetëm dy pikë prapa gjigantëve të Ligue 1. Vendimi i diskutueshëm i penalltisë ishte jashtëzakonisht i dëmshëm për skuadrën e Eddie Howe, i cili do të kishte kaluar mbi PSG nëse do të kishte siguruar fitoren 1:0 jashtë shtëpisë të martën.
Duke folur pas përfundimit të barazimit në Paris, Mbappe pranoi se mund të kishte bërë më shumë në mbrëmje për të siguruar të tre pikët për skuadrën e tij. “Përpiqem të jem në maksimumin tim çdo natë. Mendoj se mund të kisha bërë më shumë për ekipin tim. Kam pasur shumë raste dhe nuk shënova më shumë gola", tha ai për RMC Sport. "Kam pasur raste për të shënuar, duhet të shënoj, kjo është e qartë. Kushdo me sy e pa që ne dominuam. Jemi ne ata që duhet të jemi më efikas në fazën e fundit. Ne dominuam totalisht. Duhet të përfundojmë shanset, kemi pasur shumë në një ndeshje të Ligës së Kampionëve. Nuk duhet të dorëzohemi, sepse ka mbetur edhe një ndeshje dhe objektivi është të jemi të parët në grup. kështu që ne duhet të fitojmë në Dortmund. Mesazhi është i qartë!"
Mbappe dhe shokët e tij të skuadrës në PSG përballen me një kthesë të shpejtë përpara testit të tyre të radhës pas përplasjes me Newcastle, teksa përgatiten të përballen me Le Havre të dielën. Skuadra e Luis Enrique aktualisht ndodhet në krye të Ligue 1, me vetëm një pikë diferencë që i ndan dhe OGC Nice në vendin e dytë, duke nënvizuar se sa i rëndësishëm mund të jetë një rikthim te fitoret këtë fundjavë.
