Mourinho reagon për herë të parë që nga shkarkimi i tij nga Roma, ka një mesazh emocional
Ish-trajneri i Romës, Jose Mourinho, ka reaguar për herë të parë publikisht që nga shkarkimi i tij nga skuadra italiane, duke dhënë një mesazh tejet emocional.
60-vjeçari u shkarkua nga detyra të martën në mëngjes pas një ecurie të keqe të formës që përfshinte vetëm një fitore në pesë ndeshje të Serie A dhe një eleminim nga Kupa e Italisë nga rivalët e qytetit Lazio javën e kaluar. Daniele de Rossi do të zëvendësojë ish-trajnerin e Chelseat deri në fund të sezonit, me Giallorossi aktualisht në vendin e nëntë në tabelë. Tani, Mourinho ka hyrë në Instagram për të dhënë një mesazh të përzemërt të ndarjes për mbështetësit e klubit.
Ish-trajneri i Real Madridit shkroi në Instagram të martën mbrëma: “Sudore, sangue, lacrime, alegria, tristezza, amoR, fratelli, storia, cuore, eternità”. (Djersë, gjak, lot, gëzim, trishtim, dashuri, vëllezër, histori, zemër, përjetësi).
Mourinho mori drejtimin e Romës në maj të vitit 2021 dhe i udhëhoqi ata drejt një triumfi të Ligës së Konferencës në Evropë dhe një vit më vonë më pas në finalen e Ligës së Evropës në 2023. Ish-trajneri i Interit ka fituar një mori titujsh në të gjithë Evropën, por cilësitë e tij në lojën e menaxhimit mund të jenë në rënie pas këtij shkarkimi të fundit.
Tifozët e futbollit do të presin me padurim postin e ardhshëm drejtues të Mourinhos, por ndërkohë, Roma pret Veronën e kërcënuar me rënie të shtunën në Serie A, ndërsa përpiqet të mbyllë diferencën prej pesë pikësh me vendet që sigurojnë një vend në Ligë të Kampionëve.
