Mos e shkarkoni aplikacionin e Botërorit Katari 2022, paralajmëron BE-ja
Kur ka mbetur edhe një ditë nga fillimi i Kupës së Botës në Katar, një paralajmërim ka ardhur nga Bashkimi Evropian apo rregullatori evropian i privatësisë. Aty thuhet se dy aplikacione të Botërorit paraqesin rreziqe serioze për privatësi dhe siguri të, të dhënave dhe është kërkuar që të mos shkarkohen.
Një mesazh për tifozët e futbollit nga shefat e mbrojtjes së të dhënave evropiane: Aplikacionet e Kupës së Botës të Katarit paraqesin një rrezik masiv për privatësinë, ndaj mos i shkarkoni.
Rregullatorët evropianë të mbrojtjes së të dhënave janë rreshtuar për të paralajmëruar rreth rreziqeve të paraqitura nga aplikacionet e Kupës së Botës të Katarit për vizitorët, me komisionarin gjerman për mbrojtjen e të dhënave që ishte i fundit. Në një deklaratë të martën, gjermanët thanë se të dhënat e mbledhura nga dy aplikacione të Katarit që vizitorëve u kërkohet të shkarkojnë "shkojnë shumë më tej" sesa tregojnë njoftimet e privatësisë së aplikacioneve.
"Një nga aplikacionet mbledh të dhëna nëse bëhet dhe me cilin numër bëhet një telefonatë," tha autoriteti gjerman. "Aplikacioni tjetër parandalon në mënyrë aktive pajisjen në të cilën është instaluar të kalojë në modalitetin e gjumit. Është gjithashtu e qartë se të dhënat e përdorura nga aplikacionet jo vetëm që mbeten lokalisht në pajisje, por gjithashtu transmetohen në një server qendror.”
Shefat gjermanë të, të dhënave thonë se nëse është "absolutisht e nevojshme" shkarkimi i aplikacioneve, atëherë bëjeni këtë në një telefon tjetër bosh.
Agjencitë norvegjeze dhe franceze për mbrojtjen e të dhënave kanë lëshuar tashmë këshilla të ngjashme.
Rregullatori norvegjez tha të hënën se ishte "i alarmuar" nga qasja e gjerë që kërkojnë aplikacionet. "Ekziston një mundësi reale që vizitorët në Katar, dhe veçanërisht grupet e pambrojtshme, të monitorohen nga autoritetet e Katarit," tha ai.
Agjencia franceze tha se fansat duhet të kenë "kujdes të veçantë" me fotot dhe videot dhe rekomandon që udhëtarët të instalojnë aplikacionet pak para nisjes dhe t'i fshijnë ato sapo të kthehen në Francë.
Qeveria franceze, pavarësisht se ka lidhje të ngushta me Katarin, i bëri jehonë këshillës së CNIL të martën. "Në Francë, falë [Rregullores së Përgjithshme për Mbrojtjen e të Dhënave], të gjitha aplikacionet duhet të garantojnë të drejtat themelore të individëve dhe mbrojtjen e të dhënave të tyre. Ky nuk është rasti në Katar," shkroi në Twitter ministri i ri për Dixhitalizim, Jean-Noël Barrot, duke iu referuar udhëzimeve të rregullatorit të privatësisë.
En France, grâce au RGPD, toutes les applications doivent garantir les droits fondamentaux des personnes et la protection de leurs données. Ce n'est pas le cas au Qatar. Supporters #Qatar2022 : suivez les recommandations de vigilance de la @CNIL. https://t.co/NmhJMjrgvU
— Jean-Noël Barrot (@jnbarrot) November 15, 2022
Gati 1.5 milionë vizitorë priten të jenë në Katar për Kupën e Botës, e cila zhvillohet nga 20 nëntori deri më 18 dhjetor. Ngjarja është përfshirë me polemika që kur iu dha turneu në vitin 2010. Akuzat për ryshfet dhe korrupsion e shtynë procesin e tenderimit dhe historia e të drejtave të njeriut në vend, kushtet e punës së punëtorëve emigrantë dhe trajtimi i komunitetit LGBTQ+ janë kritikuar nga aktivistët, politikanët dhe shoqatat e futbollit.
Të huajt që vizitojnë vendin u është kërkuar të shkarkojnë aplikacionin zyrtar të Kupës së Botës, Hayya, ndërsa atyre që vizitojnë institucionet e kujdesit shëndetësor do t'u kërkohet të shkarkojnë aplikacionin e gjurmimit të infeksionit Ehteraz.
Të dy aplikacionet janë etiketuar si "spyware" nga ekspertët sepse u ofrojnë autoriteteve të Katarit qasje të gjerë në të dhënat e njerëzve, si dhe fuqinë për të lexuar, fshirë ose ndryshuar përmbajtjen dhe madje edhe për të bërë thirrje direkte.
Qeveria e Katarit nuk është përgjigjur kërkesës për koment. Google dhe Apple, dyqanet online të, të cilëve strehojnë aplikacionet, nuk u përgjigjën gjithashtu.
