“Moment ikonik” - Bellingham thotë se festimi i Ronaldos në Camp Nou do të mbetet gjithmonë në memorien e tij

Mesfushori i Real Madridit, Jude Bellingham, ka thënë se festimi i Cristiano Ronaldos i njohur si ‘CALMA’ është momenti më ikonik i El Clasicos dhe se do të mbetet në memorien e tij një gjë e tillë përgjithmonë.

20-vjeçari shënoi golin e tij të 11-të në 12 paraqitje për Madridin në fitoren 2:1 të Ligës së Kampionëve ndaj Bragës të martën. Tani, reprezentuesi anglez po përgatitet për të marrë pjesë në ndeshjen e tij të parë të Clasicos konkurruese të shtunën në Camp Nou. Përpara kësaj ndeshje, mesfushori u pyet për disa nga momentet e tij të preferuara nga ky rivalitet prestigjioz. Nuk kaloi shumë kohë që Bellingham zgjodhi festimin 'Calma calma' të ish-yllit të Madridit, Ronaldo, pasi skuadra e Jose Mourinhos fitoi 2:1 kundër Barcelonës në prill 2012. Pas golit të tij, Ronaldo u bëri shenjë tifozëve vendas që të qetësoheshin, përpara se t'i tregonte me gisht te gjoksi i tij. Dhe kjo, me sa duket, ka mbetur gjithmonë me Bellingham.

“Më kujtohen gjithmonë festimet”, tha ai për TVE. "Më kujtohet Ronaldo në Camp Nou duke bërë CALMA. Gjëra të tilla ju mbesin në kokë, momentet ikonike."

Bellingham ka qenë një nënshkrim i mrekullueshëm për Madridin deri më tani, aq sa transferimi i tij prej 89 milionë funte (112 milionë dollarë) nga Borussia Dortmund këtë verë mund të shihet si diçka e volitshme. Tani, ai po përgatitet për një nga ndeshjet më të mëdha të karrierës së tij. Një fitore do t'i çonte ata katër pikë përpara rivalëve të tyre kryesor, por një humbje do të bënte që skuadra e Xavit të kalonte Mbretërit.

Pas El Clasico, Madridi do të përballet me Rayo Vallecanon më 5 nëntor, ndërsa Barça një ditë më herët udhëton te Real Sociedad.