‘Messi me zemër prej ari’ - Ylli argjentinas me mbështetje të jashtëzakonshme për fondacionin e krijuar nga Bellingham, TAA dhe Carragher
Ylli argjentinas, Lionel Messi, ka dhënë një mbështetje të madhe për fondacionin e krijuar nga Jude Bellingham dhe disa futbollistë të tjerë. 36-vjeçari ka ofruar ‘një takim-përshëndetje një herë në jetë’ për fondacionin, i cili do të jetë me pagesë, me paratë e grumbulluara që shkojnë në adresën e duhur.
Sipas The Liverpool Echo, Messi ka dhuruar një takim për fansat, që shkon për bamirësinë përpara një darke gala të shtunën, në të cilën ata shpresojnë të mbledhin mbi 1 milionë funte. Gala e Football For Change u themelua nga Bellingham, së bashku me Jamie Carragher, Trent Alexander-Arnold dhe Conor Coady në 2021.
Përpjekjet e Messit mund të arrijnë mbi 300,000 funte, ndërsa David Beckham, bashkëpronar i Inter Miamit, ka dhuruar gjithashtu një turne në klubin e futbollit, që mund të kryhet nga vetë ish-kapiteni i Anglisë. Football For Change do të japë gjithashtu 20 grante, secila me vlerë 100,000 funte, për fëmijët dhe të rinjtë që rriten në komunitete të pafavorizuara në Mbretërinë e Bashkuar.
Përpara galasë këtë fundjavë, Alexander-Arnold tha: "Futbolli për Ndryshim ka të bëjë me ndihmën e të rinjve në një rrugë pozitive. Janë futbollistët dhe drejtuesit e biznesit që vijnë së bashku me një qëllim për të ndihmuar në përmirësimin e mundësive të jetës së të rinjve nga disa nga lagjet më të sfiduara në vend. Është një iniciativë brilante dhe e di se rritja në Liverpool është e nevojshme tani më shumë se kurrë."
Messi ka të ngjarë të jetë për një kohë të shkurtë në këtë mbrëmje këtë fundjavë. Ai është në detyrë ndërkombëtare me Argjentinën përpara dy ndeshjeve jetike kualifikuese të Kupës së Botës; ata përballen me Uruguain të premten përpara se të luajnë me Brazilin të mërkurën.
