Mësohet orari i ndeshjeve të Kombëtares së Shqipërisë në Evropian
Në Gjermani, më saktësisht në qytetin e Hamburgut, u bë tërheqja e shortit për Kampionatin Evropian, ku Shqipëria ishte e pafat pasi doli në një grup tejet të vështirë.
EURO 2024 do të zhvillohet në Gjermani përgjatë datave 14 qershor - 14 korrik.
Kombëtarja e Shqipërisë gjendet në Grupin B, së bashku me Spanjën, Italinë dhe Kroacinë.
Pas tërheqjes së shortit, janë mësuar datat se kur dhe ku kuqezinjtë do të përballen me kundërshtarët e tyre të Grupit B.
Skuadra e udhëhequr nga Sylvinho ndeshjen e parë e zhvillon më 15 qershor në Dortmund, ku përballet me Italinë.
Katër ditë më vonë, saktësisht më 19 qershor, luhet ndeshja me Kroacinë, ndërsa me 24 qershor në Dusseldorf, zhvillohet xhiroja e fundit, pra me Spanjën.
Kujtojmë se dy vendet e para nga secili grup sigurojnë bileten direkte për fazën e eliminimit direkt, ndërsa katër vendet e treta më të mira gjithashtu kualifikohen. Pra vetëm tetë kombëtare do ta kenë fatin e keq të mos kalojnë fazën e grupeve.
