Mauricio Pochettino merr drejtimin e ShBA-së
Mauricio Pochettino është trajneri i ri i kombëtares së Shteteve të Bashkuara të Amerikës (ShBA) në futboll.
Pas largimit nga Chelsea në muajin maj, tekniku argjentinas nuk ka vonuar shumë duke marrë drejtimin e ShBA-së, të cilët do t’i drejtojë në Kupën e Botës 2026, ku edhe do të jenë nikoqir.
Në një deklaratë, Pochettino tha: "Vendimi për t'u bashkuar me futbollin amerikan nuk ishte vetëm për mua, ka të bëjë me udhëtimin në të cilin po kalon ky ekip dhe ky vend”.
"Energjia, pasioni dhe uria për të arritur diçka vërtet historike këtu - këto janë gjërat që më frymëzuan. Mundësia për të udhëhequr ekipin kombëtar të meshkujve të ShBA-së, para tifozëve që janë po aq të pasionuar sa lojtarët, është diçka. Unë nuk mund të kaloj, shoh një grup lojtarësh plot talent dhe potencial dhe së bashku do të ndërtojmë diçka të veçantë për të cilën i gjithë kombi mund të jetë krenar”.
Introducing... #USMNT Head Coach Mauricio Pochettino 🇺🇸
— U.S. Soccer Men's National Team (@USMNT) September 10, 2024
Pochettino do të zëvendësojë trajnerin e përkohshëm Mikey Varas dhe do të marrë drejtimin qysh në ndeshjet e muajit të ardhshëm kundër Panamasë dhe Meksikës.
Para periudhës te Chelsea, Pochettino pati periudha të suksesshme në krye të Espanyol, Southampton, Tottenham Hotspur dhe Paris Saint-Germain.
