Marotta: Lukaku është në mbipeshë
Drejtori ekzekutiv i Interit, Beppe Marotta, ka bërë disa komente ‘të ashpra’ me gjendjen fizike të sulmuesit belg, Romelu Lukaku, por ai ende ka besim që ai mund te gjejë formën e tij të dikurshme.
Pesha e Lukakut është vënë në pikëpyetje si një arsye e mundshme për mungesën e tij të golave në sezonin 2022-2023. Ai rrallëherë ka qëndruar në fushë më shumë se 70 minuta në ndeshjet e këtij sezoni dhe ka gjetur rrjetën vetëm një herë që nga fillimi i nëntorit në ligën italiane.
"Më duhet të them se ai ka 103 kg për të mbajtur, kështu që ai duhet të jetë në formë fizike të përsosur për të dhënë më të mirën dhe ai ende nuk është në atë gjendje," tha Marotta për Sky Sport Italia. "Ai po punon për këtë dhe trajneri është personi më i mirë për të vlerësuar se si po ecën dhe si duhet të përdoret. Lojërat kanë tendencë të zgjasin pothuajse 100 minuta në ditët e sotme, kështu që lojtarët që dalin nga bankina mund të jenë po aq të rëndësishëm sa ata që unë dua t'i quaj bashkë-titullarët e tyre.
.jpg?format=jpg)
“Fatkeqësisht, një problem tjetër me këtë sezon anormal është Kupa e Botës, e cila ishte në mes të gjysmës së parë të sezonit. Unë shoh se pjesëmarrja në Kupën e Botës preku shumë lojtarë, disa e ndiejnë më shumë se të tjerët, dhe Lukaku kishte një dëmtim që do të thotë se ai u reduktua në praktikisht në një paraqitje në atë turne”.
Pavarësisht sugjerimeve se Lukaku po luftonte me peshën e tij, CEO shtoi: “Ai është një profesionist i madh, ai deri më tani nuk ka qenë në gjendje të mirë për fat të keq që të japë atë që donte, por ne kemi besim se ka kohë për të, që të ketë ndikim për pjesën tjetër të sezonit.”
Lukaku është te Interi i huazuar nga Chelsea, por eksperienca e tij e dytë me skuadrën italiane nuk ka shkuar aq mirë sa i pari. Ai shënoi nga pika e bardhë fundjavën e kaluar kundër Udineses, por duhet të bëjë shumë më tepër për të ndihmuar Interin të qëndrojë në top-katërshe. Skuadra e Serisë A është në vendin e dytë, por vetëm pesë pikë përpara pozitës së pestë.
Kjo deklaratë e Marottas erdhi para ndeshjes së zikaltërve në Ligën e Kampionëve, që të drejtuarit e Inzaghit shënuan fitore në minutat e fundit, fal golit të Lukakut.
Lukaku do të ketë një tjetër shans për të provuar veten kur Interi të vizitojë Bolognën të dielën në kuadër të Serie A-së.
