Manchester Unitedi nuk do të shpenzojë shumë në verë, ja arsyeja?

Trajneri i Manchester Unitedit për sezonin e ardhshëm, do të duhet të marrë më të mirën nga një buxhet i vogël, pasi klubi me pronarët e rinj kërkojnë të shkurtojnë shpenzimet e tyre gjatë verës.

United mund të sjellë një trajner të ri për të zëvendësuar Erik ten Hag pas një sezoni zhgënjyes nën drejtimin e holandezit, megjithëse ka pasur raportime së fundi për qëndrimin e trajnerit aktual edhe për një vit, të paktën.

Megjithatë, kushdo që është në krye, nuk do të ketë buxhet të madh për të punuar kur vjen puna për të sjellë lojtarë të rinj, transmeton The Telegraph. Pronarët e rinj Sir Jim Ratcliffe dhe ekipi i tij INEOS shpresojnë të shmangin shkeljen e Rregullave të Fitimit dhe Qëndrueshmërisë (PSR) duke i dhënë fund shpenzimeve kaq të mëdha që i panë ata të shpenzojnë rreth 175 milionë £ (222 milionë dollarë) për lojtarët e rinj verën e kaluar. Në vend të kësaj, ata më mirë do të shikonin për lojtarë të rinj të rritur përmes akademisë së të rinjve sesa të sillnin yje të shtrenjtë të njohur.

United mund të mbledhë fonde të tjera përmes shitjes së Mason Greenwood, i cili ka tërhequr interes nga klube në të gjithë Evropën për shkak të formës së mirë të tij në huazim te Getafe këtë sezon. Ndërsa Jadon Sancho, tashmë i huazuar te Borussia Dortmund, mund të shitet gjithashtu. Djajtë e Kuq janë gjithashtu të gatshëm të dëgjojnë oferta për shumicën e skuadrës së parë aktuale, me përjashtim të yjeve të rinj si Kobbie Mainoo, Alejandro Garnacho dhe Rasmus Hojlund.

United së shpejti do të duhet të marrë një vendim për postin drejtues. Ten Hag po bën presion për një zgjidhje të shpejtë të çështjes pas raportimeve se klubi kishte vendosur tashmë të ndahej me të edhe pse ata fituan finalen e Kupës FA javën e kaluar.