Manchester Unitedi mund të përjashtohet nga Liga e Evropës
Manchester Unitedi mund të përjashtohet nga Liga e Evropës për shkak të rregullave të UEFA-s në lidhje me pronarët që kanë në pronësi dy e më shumë klube.
Skuadra franceze Nice dhe United, të cilët të dy janë të përfshirë me shefin e INEOS Sir Jim Ratcliffe, janë kualifikuar të dyja në Ligën e Evropës të sezonit të ardhshëm. Megjithatë, rregulloret e UEFA-s thonë se klubet me të njëjtin pronar nuk mund të konkurrojnë në të njëjtin kompeticion, gjë që ka hedhur dyshime nëse United mund të konkurrojë apo jo në kompeticion.
Më parë pretendohej se Djajtë e Kuq mund të bien në Ligën e Konferencës pasi përfunduan më poshtë se Nice në renditjen e tyre përkatëse të ligës. United përfundoi i teti ndërsa Nice përfundoi i pesti në Ligue 1.
Në një deklaratë të lëshuar nga INEOS thuhet: “Ne jemi të vetëdijshëm për pozicionin e dy klubeve dhe jemi në dialog të drejtpërdrejtë me UEFA-n. Jemi të bindur se do të kemi një zgjidhje për sezonin e ardhshëm në Evropë”.
Pavarësisht se përfundoi në vendin e tetë, United u kualifikua në Ligë të Evropës pas fitores së tyre në Kupën FA ndaj Manchester Cityt fundjavën e kaluar.
Sipas The Sun, që atëherë është arritur një marrëveshje me UEFA-n në lidhje me konkurrencën e Unitedit me Nicen në Ligë të Evropës. Të dy skuadrat do të anashkalojnë rregullin e pronësisë së shumë klubeve në të njëjtën garë për shkak se Ratcliffe zotëron nën 30 % të Unitedit aktualisht.
Megjithatë, plani fillestar i marrjes së INEOS përfshin hapa për të rritur pronësinë mbi kufirin 30%, që do të thotë se United ka shkelur rregullat e UEFA-s. Nëse e kalojnë këtë prag, njëra nga dy skuadrat do të binte në Ligën e Konferencës.
Para se të bëhen planet për 2024-25 dhe garat e mundshme në të cilat do të konkurrojnë, Ratcliffe dhe United duhet së pari të vendosin për të ardhmen e Erik ten Hag. Nëse holandezi do të qëndrojë apo jo në Old Trafford, mbetet për t'u parë.
