Manchester Unitedi e fiton apelin, i largohet kartoni i kuq Bruno Fernandesit
Kartoni i kuq i Bruno Fernandes pas ndërhyrjes në James Maddison, është larguar, me apelin që ka fituar Manchester Unitedi.
Fernandes iu dha një karton i kuq direkt për një ndërhyrje ndaj Maddison në fund të pjesës së parë të ndeshjes së Premierligë kundër Tottenham në Old Trafford të dielën, të cilën United e humbi 3:0.
Mesfushori vazhdoi të protestojë se faulli nuk ishte "kurrë një karton i kuq". Pas ndeshjes dhe United më pas apeloi kundër vendimit. Federata e Futbollit (FA) tani ka konfirmuar se ai nuk do të duhet të vuajë një pezullim.
— FA Spokesperson (@FAspokesperson) October 1, 2024
Kartoni i kuq i Fernandes, i cili ishte i treti në karrierën e 30-vjeçarit, nënkuptonte se ai do të pezullohej për ndeshjet e ekipit të tij kundër Aston Villa, Brentford dhe West Ham, por ai do të jetë në dispozicion për trajnerin Erik ten Hag pas Vendimit të FA-së.
Reprezentuesi portugez do të përfshihet kur skuadra e tij të takohet me Porton në Ligën e Evropës në mesjavë, përpara se të kthejnë vëmendjen në ndeshjen e Premierligës kundër Aston Villas të dielën.
