Manchester United beson se mund ta përfundojë marrëveshjen për Antonyn
Manchester United është i bindur se do të arrijë një marrëveshje për të nënshkruar me sulmuesin e Ajax, Antony, përpara mbylljes së afatit kalimtar të verës më 1 shtator.
Antony, 22 vjeç, tani është fokusi kryesor i djajve të kuq, pasi Erik ten Hag dëshiron që braziliani të forcojë opsionet e tij sulmuese.
United besohet se e ka ftohur disi ndjekjen e sulmuesit të PSV Eindhoven, Cody Gakpo, pasi ata po përqendrojnë vëmendjen e plotë të tyre në sigurimin e një marrëveshjeje për Antonyn.
🚨 Manchester United confident of reaching an agreement with Ajax to sign Antony. 22yo Brazil international winger now main recruitment focus for #MUFC; pursuit of PSV Eindhoven attacker Cody Gakpo believed to have cooled somewhat @TheAthleticUK #Ajax #PSV https://t.co/cq0HSujjii
— David Ornstein (@David_Ornstein) August 24, 2022
Përfaqësuesit e Antony janë në Londër duke kërkuar të përfundojnë një lëvizje në Old Trafford, ku sulmuesi do t'i bashkohej ish-trajnerit Ten Hag dhe ish-bashkëlojtarit të Ajax-it, Lisandro Martinez.
Dy klubet kanë diskutuar një tarifë të lartë prej 80 milionë euro të ofruara fillimisht, ndërsa disa burime e vendosin shifrën në 94 milionë euro si shuma përfundimtare, por Ajax thuhet se ka vendosur një çmim prej 100 milionë eurosh për lojtarin.
Antony u la jashtë fitores 1-0 të Ajax kundër Sparta Rotterdam të dielën për shkak të spekulimeve për lëvizjen e tij.
Athletic raportoi javën e kaluar se United kishte ringjallur interesin e tyre për Antony me vetëm dy javë të mbetura nga afati kalimtar i verës.
United paraqiti një ofertë prej 80 milion € (67.6 milion £) të mërkurën e kaluar, e cila u refuzua nga ish-punëdhënësit e Ten Hag.
Sulmuesi brazilian kishte treguar se për shkak të situatës së pa qartësuar të tij, nuk mund të përqendrohet te skuadra aktuale e tij, duke lënë të kuptohej se do mungonte në ndeshjen ndaj Sparta Rotterdamit.
“Ajo që mund të them tani është se dua të marr vendimin e duhur me familjen time, partnerët e biznesit dhe Ajaxin, gjë që është e mirë për të gjithë. Në fund, Zoti e përcakton të ardhmen time.”
“Jo, të jem plotësisht i sinqertë, nuk mundem të përqendrohem te Ajaxi. Tani jam i përqendruar për të luajtur futboll dhe të gjitha çështjet i kam lënë në duart e menaxherëve dhe vëllait tim. Ata do të më këshillojnë se çfarë është më mirë për mua."
Raportimet në Holandë pohuan se Antony tani po stërvitet vetë pasi ai shtyn për një largim nga klubi dhe është ende situata rreth tij është e paqartë.
Ajax si zëvendësues të sulmuesit brazilian, pritet ta marrë ish-lojtarin e tyre Hakim Ziyech nga Chelsea, pasi që marokeni nuk ka arritur të përshtatet fare me të kaltrit nga Londra.
