Man City triumfon ndaj Chelseas, Liverpoolit i nevojiten penalltitë që ta eliminojë Derbyn nga Carabao Cup

Manchester City ka fituar derbin ndaj Chelseas (2:0), derisa Liverpoolit iu nevojiten penalltitë që të eliminojë Derby Countryn.

Manchester City me mund ka fituar derbin ndaj Chelseas, për të avancuar në rrethin tjetër, duke triumfuar me rezultat 2:0.

Ndeshja ishte shumë e baraspeshuar me dy skuadrat që luanin me formacionet e dyta, por "Qytetarët" në fund u kualifikuan tutje.

Pavarësisht rasteve të shumta në pjesën e parë, asnjëra skuadër nuk arriti t'i konkretizojë rastet.

Ishte Riyad Mahrez që kaloi në epërsi Manchester Cityn me një gol të shkëlqyeshëm nga gjuajtja e lirë, që la të shtangur Edouard Mendyn, i cili vetëm shikoi topin.

Vetëm pesë minuta më vonë, Mahrez asistoi për qendërsulmuesin argjentinas Julian Alvarez i cili realizoi nga afërsia (58').

Chelsea gjithashtu arriti të gjejë rrugën drejtë rrjetës në përfundimin e ndeshjes përmes Christian Pulisic, por që u anulua për pozitë jashtë loje (90').

Me këtë fitore Man City avancon në rrethin tjetër, derisa për Chelsean garat në Carabao Cup përfundojnë këtu.

Në anën tjetër, penalltitë e vulosen fituesin e ndeshjes Liverpool - Derby.

"Reds" dominuan në të gjitha aspektet kundër Derbyt, por që assesi nuk ia arritën t'i finalizojnë aksionet e shumta.

Nga 11-metërshit, Liverpool e fitoi sfidën me rezultat të ngushtë 3:2.

Man City dhe Liverpool do t’i mësojnë kundërshtarët e radhës pas hedhjes së shortit.