Man City mund t'i shpëtojë rënies nga liga pas 115 akuzave, Premierliga planifikon të ndryshojë rregullat
Raportohet se Premierliga është duke planifikuar të bëjë një ndryshim radikal në rregullat e Fair Playt Financiar, që do ta ndihmonte Manchester Cityn të shpëtonte nga një kërcënim për largim nga elita e futbollit anglez.
Kampionët në fuqi të futbollit anglez kanë mbi kokë 115 akuza për Fair Play Financiar. Ata kanë parë me ankth se si Everton dhe Nottingham Forest janë goditur me zbritje pikësh këtë sezon – me disa që sugjerojnë se ashpërsia e shkeljeve të Cityt mund të çojë në rënie nga liga.
Sipas Daily Mail, Premierliga është gati të rishikojë Rregullat e Fitimit dhe Qëndrueshmërisë (PSR) që janë aktualisht në fuqi. Kjo mund të funksionojë në favor të Cityt, ndërsa Chelsea me shpenzime të mëdha do të vëzhgojë me vëmendje zhvillimet së bashku me ekipet si Newcastle dhe Aston Villa. Të dy skuadrat e fundit kishin frikë se mund t'u duhej të shisnin lojtarë, pavarësisht se u detyruan të futeshin në top-katërsh kohët e fundit, në një përpjekje për të balancuar librat financiar.
Tani sugjerohet se mund të zbatohen ndryshime që parashikojnë heqjen e dënimeve me pikë dhe vendosjen e një "takse luksi". Klubet kryesore thuhet se i konsiderojnë dënimet e dhëna për Everton dhe Forest si "tepërta", ndërsa ekziston frika se Premierliga mund të humbasë pozicionin e saj në krye të futbollit botëror nëse skuadrat e mëdha nuk lejohen të shpenzojnë.
Një sistem i ri mund të votohet që në fillim të kësaj vere – me një takim tjetër të Premierligës të planifikuar në qershor. Pretendohet se 17 klube në ligën e parë angleze po priren drejt ndryshimeve gjithëpërfshirëse, ku vetëm 14 duhet të votojnë në favor të reformës në mënyrë që propozimet të shtyhen.
Pretendohet se mund të futet një sistem i ngjashëm me atë që tashmë funksionon në MLB dhe NBA, ku skuadrat duhet të paguajnë një "taksë luksi" për çdo shpenzim të tepërt, në vend që të përballen me zbritjet e pikëve. Kjo do t'i lejojë klubet të bëjnë shpenzime pas promovimit, ndërkohë që Premierliga duhet të bëhet më konkurruese në përgjithësi ndërsa shpenzimet janë të niveluara në bazë të skuadrave dhe suksese të tyre.
