Lukaku thotë se e dinte që nëse do të dështonte te Chelsea, do ta kishte edhe një mundësi te Interi

Ylli i Chelseat në huazim te Interi, Romelu Lukaku, thotë se gjithmonë e dinte që Interi do t’i vinte në shpëtim, nëse gjërat nuk do të funksionin te Chelsea.

Sulmuesi belg u rikthye në San Siro në verën e vitit 2022 vetëm një vit pasi ai u bashkua me Chelsean për një shumë rekorde të klubit të asaj kohe prej 115 milionë eurosh. Ai hasi në vështirësi për t'u përshtatur me kërkesat taktike të Thomas Tuchel në perëndim të Londrës, duke çuar në vetëm 15 gola në 44 paraqitje dhe pastaj u dërgua përsëri në Inter për një tarifë huazimi prej tetë milionë euro, me mundësinë për shtesa të lidhura me paraqitjet. Lukaku tani ka sugjeruar se ai gjithmonë kishte një plan B në mendje, nëse gjërat nuk do të shkonin si duhet te Chelsea.

Futboll / Mësohet se sa para do të fitojë Interi në rast se triumfon në finale të Kupës së Italisë ndaj Fiorentinës

"Isha i mirë te Chelsea sezonin e kaluar. Por e dija atëherë se nëse nuk do të funksiononte te Chelsea, kisha ende Interin. Kur firmosa përsëri, e dija: unë i përkas kësaj skuadre. Të njëjtën ndjenjë e kisha edhe në Anderlecht. E marr seriozisht këtë klub. Dua të bëj më të mirën. Njerëzit këtu e shohin këtë. Inkurajimi këtu është gjëja më e mirë që ekziston," tha ai duke folur për Het Laatste Nieuws.

Futboll / Handanovic: Jemi këtu te Interi për ngritur trofe

Marrëveshja e huazimit të Lukakut me Interin përfundon në verë dhe CEO i zikaltërve, Beppe Marotta deklaroi se ka një shans "gjashtë nga 10" që ai të kthehet në Stamford Bridge. Megjithatë, sulmuesi nuk është gati të shohë të ardhmen e tij te Chelsea për momentin dhe këmbënguli se nuk po mendon në plane afatgjate.

Futboll / “Gjashtë nga 10-të” – Interi vlerëson shanset për të rinënshkruar me Lukakun

"Ne do të shohim, unë jetoj nga dita në ditë. Nuk përjetoj asnjë stres apo presion. Duhet marrë një vendim. Kjo është," tha ai në dokumentarin e Amazonës One for All.

Lukaku ka gjetur formën e tij tashmë në fund të sezonit dhe do të shpresojë të fitojë një vend në skuadrën startuese për të ndihmuar Interin në ngritjen trofeut të Kupës së Italisë sot në mbrëmje kundër Fiorentinës në Stadio Olimpico.