“Gjashtë nga 10-të” – Interi vlerëson shanset për të rinënshkruar me Lukakun

Drejtori ekzekutiv i Interit, Beppe Marotta, thotë se zikaltrit i kanë shanset gjashtë nga 10-të për të rinënshkruar me Romelu Lukakun, në mënyrë që të kthehet për sezonin 2023-24 në Guiseppe Meazza, pasi momentalisht është vetëm i huazuar nga Chelsea.

Reprezentuesi belg e ka kaluar sezonin aktual në San Siro si huazim nga Chelsea e Premierligës. Ai ka duruar probleme me formën dhe fitnesin që nga kthimi në Itali – ku më parë ka shijuar lavdinë e titullit në Serie A – duke bërë që shumë të sugjerojnë se ai do të kthehet në Stamford Bridge këtë verë. Lukaku, megjithatë, në kohët e fundit ka hyrë në formë të mirë – duke shënuar pesë gola në gjashtë paraqitjet e tij të fundit – dhe Interi tani është i gatshëm të eksplorojë një marrëveshje tjetër me Chelsean.

I pyetur nga Gazzetta dello Sport për të dhënë një shifër nga 10 në lidhje me sa gjasa ka që Lukaku të jetë në Milano sezonin e ardhshëm, Marotta tha: "Unë do të thosha gjashtë nga 10-të."

Futboll / E ardhmja e Romelu Lukakut në "ajër", Pochettino do të vendos për belgun

Marotta vazhdoi t'i tregojë Sky Sport Italia kur u pyet përsëri për bisedimet e transferimit, me Chelsean të gatshëm për të emëruar një trajner të ri të përhershëm pasi punoi nën Thomas Tuchel, Graham Potter dhe Frank Lampard në sezonin 2022-23: "Ai është në huazim deri më 30 qershor, më pas ai do të kthehet në Chelsea, dhe ata do të vendosin për të ardhmen e tij. Ende nuk i dimë drejtorët dhe trajnerin e ardhshëm të kaltërve. A do ta kthejmë atë? Ne do të vlerësojmë në të ardhmen kur do të ulemi ne bisedime. Tani jemi të fokusuar tek e tashmja me lojëra të jashtëzakonshme përpara.”

Lukaku ka shënuar gjithsej 12 gola për Interin këtë sezon, përmes 31 paraqitjeve, dhe duket se ka pak të ardhme në Chelsea, pavarësisht se ata investuan një shumë rekord prej 122 milionë dollarë kur e rinënshkruan atë nga Interi në vitin 2021.