Lista e ngushtë për golin më të mirë të vitit, Balotelli në garë me Mbappen

Pasi u publikuar lista e ngushtë për lojtarin më të mirë të vitit, tashmë janë bërë të ditur edhe futbollistët që do të garojnë për golin më të mirë të vitit 2022, apo siç njihet ndryshe me emrin Puskas, në nderë të legjendës, Ferenc Puskas.

Ndër 11 të nominuarit janë edhe Kylian Mbappe, Richarlison e Mario Balotelli për golin më të mirë të shënuar në vitin 2022, me çmimin që do të ndahet në natën e 27 shkurtit së bashku me shpërblimet tjera të ndara nga FIFA.

Futboll / Messi e Mbappe në listën e ngushtë për lojtarin më të mirë të vitit, Ronaldo lihet jashtë

Ylli i Paris Saint-Germain hyri në listë me golin mbresëlënës të shënuar në finalen e Botërorit ndaj Argjentinës, për ta atë ndeshje më dramatike në minutat e fundit të saj.

Goli i Mbappes nuk është i vetmi i shënuar në Botëror e që është pjesë e kësaj liste, pasi aty është edhe goli i brazilianit, Richarlison që shënoi një gol shumë të bukur kundër Serbisë në fazën grupore.

Balotelli, Dimitri Payet, Theo Hernandez, Alou Kuol, Francisco Gonzales dhe Marcin Olekssy janë gjithashtu lojtarët që shpresojnë të fitojnë çmimin për golin e vitit, ndërsa krahas tyre nga futbolli i grave, të nominuara janë edhe: Amandine Henry, Salma Paralluelo dhe Alessia Russo.

11 golat më të bukur të vitit 2022

1.) Mario Balotelli vs Goztepe

Sulmuesi italian shënoi një gol shumë të bukur sa ishte pjesë e Adana Demirspor në sezonin që lamë pas ndaj Goztepes, dhe nuk kishte si të mungonte në këtë listë.

2.) Amandine Henry vs Barcelona

Lyon fitoi Ligën e Kampionëve për herë të tetë në majin e vitit të kaluar te gratë. Henry shënoi një gol të jashtëzakonshëm në finalen ndaj Barcelonës që përfundoi me rezultat 3:1 në të mirë të francezëve.

3.) Theo Hernandez vs Atalanta

Anësori i Milanit dhe Francës shënoi një gol të bukur, ku mori topin nga mbrojtja për të depërtuar deri në fund, ku shënoi pastaj golin ndaj Atalantës në Serie A.

4.) Alou Kuol vs Irak U23

Kuol hyri në listë me një gol spektakolar, ku shënoi në stilin akrep për Australinë kundër Irakut u23.

5.) Kylian Mbappe vs Argjentina

Goli i minutës së 81-të në finalen e Botërorit i shënuar nga Mbappe shënoi një rikthim të Francës, ku pastaj ndeshja shkoi deri në penallti, por goli i bukur i yllit francez tashmë ka marrë vlerësimin e duhur duke hyrë në mesin e golave më të mirë të vitit.

Katar 2022 / KATAR 2022 | Franca me përmbysje të jashtëzakonshme, shënon dy herë Mbappe

6.) Francisco Gonzales vs Rosario Central

Goli fantastik me volle i shënuar nga Gonzalez për Cordoban ndaj Rosarios nuk kishte si të mungonte në këtë listë.

7.) Marcin Oleksy vs Stal Rzeszow

Në çmimin Puskas nuk mund të mungojnë edhe golat akrobatikë. Një të tillë e ka shënuar Oleksy për skuadrën Poznan në ndeshjen e personale me aftësi të kufizuara(gjymtyrë të amputuar).

8.) Salma Paralluelo vs Barcelona

Një tjetër grua në listën për golin më të mirë, dhe sërish gol kundër Barcelonës, por kësaj radhe nga futbollistja e Villarreal, Paralluelo, e cila shënoi një gol vërtetë të bukur.

9.) Dimitri Payet vs PAOK

Payet nuk ka nevojë për prezantim, pasi golat e francezit çdo herë kanë qenë të një stili të veçantë. Kësaj radhe emri i tij hyri në listën e ngushtë pas golit të bukur të shënuar nga distanca në Ligën e Konferencës për Marseillen kundër PAOK Thessaloniki.

10.) Richarlison vs Serbia

Një nga golat më të bukur të botërorit, ishte ai i sulmuesit të Tottanhamit, Richarlison, që ia solli epërsinë Brazilit kundër Serbisë në ndeshjen e fazës së grupeve, me anë të një goli me stilin gërshërë.

11.) Alessia Russo vs Suedia

Goli i fundit në listë është i shënuar nga një grua. Russo e Anglisë i shënoi gol të bukur Suedisë, për ta çuar skuadrën e saj në gjysmëfinale të evropianit.