L’Equipe: PSG iu përgjigj Kylian Mbappes me ton shumë fyes, i dhanë ultimatum deri më 31 korrik

Paris Saint-Germain i është përgjigjur me ton shumë fyes sulmuesit Kylian Mbappe pasi lojtari e njoftoi klubin që nuk do ta rinovojë kontratën.

Javë më parë, Mbappe i dërgoi një letër PSG-së duke e njoftuar se do të qëndrojë edhe edicionin tjetër, por pastaj nuk do ta aktivizojë klauzolën e rinovimit të kontratës.

Kjo gjë e befasoi klubin parisien, që u ndjenë të fyer dhe vendosen t’i japin dy opsione Mbappes, pra të rinovojë kontratën ose do të shitet këtë verë.

Siç raporton “L’Equipe”, PSG i është përgjigjur letrës së Mbappes me një ton shumë fyes duke pretenduar se letra e lojtarit u bë publike për ta dëmtuar imazhin e klubit.

“Nëse e ka ndryshuar mendjen, nuk është problem, por duhet të ishte private dhe mund ta rregullonim brenda, mes nesh këtë verë”, raportohet që PSG-ja i ka thënë Mbappes.

Në këtë letër, PSG gjithashtu i tregoi Mbappes se tani ka ultimatum deri më 31 korrik për të vendosur përfundimisht nëse do të qëndrojë në “Parkun e Princave” apo të largohet këtë verë.

Edhe presidenti i klubit Nasser Al-Khealifi dje në prezantimin e Luis Enriques njoftoi se ka mbetur i zhgënjyer nga Mbappe dhe ai ka 2 javë kohë për të rinovuar ose do të shitet.

Real Madrid mbetet destinacioni favorit në rast që Mbappe nuk rinovon, me Liverpoolin si opsion i mundshëm gjithashtu.