Lëndimi i Van Dijk rezulton të jetë më i rëndë, i nevojitet specialisti

Mbrojtësi i Liverpoolit, Virgil van Dijk, pësoi një lëndim të kofshës që është më i keq se sa pritej gjatë humbjes së tyre 3-1 nga Brentford të hënën.

Van Dijk, u zëvendësua në pjesën e parë të humbjes me Liverpoolin që ishte duke humbur me rezultat 2-0 në ato momente të lojës.

Holandezi kishte një konsultë fillestare dhe do të vizitojë një specialist sot për të përcaktuar shkallën e dëmtimit dhe nëse është mjaft serioz për ta mbajtur atë jashtë për një periudhë të konsiderueshme.

Asnjë afat kohor nuk është konfirmuar, por konsultimi duhet të japë një pasqyrë më të qartë, raporton mediumi anglez “The Athletic”.

Trajneri Jurgen Klopp kishte qenë optimist për gjendjen e Van Dijk pas ndeshjes, duke thënë: “Virgil ndjeu pak muskujt e tij, por ai tha se është mirë dhe ai është një gjyqtar shumë i mirë për këto gjëra.

“Nuk doja të rrezikoja. Fizioterapeutët dukeshin mjaft të lumtur kur thashë se nuk doja të rrezikoja. Nuk është një dëmtim, ai thjesht ndjeu intensitetin”, kishte deklaruar ai.

Lëndimi i Van Dijk e lë Klopp me Joel Matip, Ibrahima Konate, Joe Gomez dhe Nat Phillips si opsione për qendërmbrojtësit e lartë dhe është goditja e fundit për Liverpoolin, i cili aktualisht është gjithashtu pa Luis Diaz, Diogo Jota, Arthur Melo, James Milner dhe Roberto Firmino.

Liverpool ka vetëm tre ndeshje të mbetura në janar - ndeshja e FA Cup kundër Wolves, e cila pasohet nga ndeshjet e ligës kundër Brighton Hove Albion dhe Chelsea.

Klubi Merseyside gjithashtu ka për t'u marrë në konsideratë ndeshjen e parë të raundit të 16-të të Ligës së Kampionëve kundër Real Madridit, e cila vjen pas shtatë javësh më 21 shkurt.