Legjenda e Manchester Unitedit Ferdinand paralajmëron se Onana do të bëjë gabime sa De Gea
Manchester Unitedi dje i dha lamtumirën David de Geas, ndërsa sot legjenda Rio Ferdinand ka thënë se nga Andre Onana që pritet të transferohet te djajtë e kuq, duhet të priten gabimet, në mënyrën se si ai e zhvillon lojën në mes të portës.
Djajtë e Kuq raportohet se janë afër një marrëveshje për portierin kamerunas, me një transferim që pritet të bihet dakord me gjigantët e Serisë A, Inter në rreth 55 milionë euro. United ka nevojë për një numër të ri 1 pasi lejoi që De Gea të largohej si lojtar i lirë, me Erik ten Hag të vendosur për të sjellë një lojtar me të cilin ai ka punuar më parë në Ajax.
Ferdinand beson se Onana është zgjidhja e duhur për të pasuar De Gean, por i ka thënë kanalit të tij FIVE në YouTube se tifozët e United duhet të presin më shumë gabime mes portës: "Nëse Onana vjen, unë mendoj se ai është një nënshkrim fantastik. Një nënshkrim i një talenti të madh dhe një portier i vërtetë i ditëve moderne. Ti shikon skuadrat duke e shtypur atë dhe ai as që bie në panik. Ai e pranon topin mes presionit, thotë 'hajde, hajde tek unë' dhe pastaj kur ai lojtar të vijë ai e di se ka një lojtar të lirë diku tjetër dhe ai normalisht i gjen ata.
"Unë mendoj se do të ketë gabime dhe duke luajtur në atë mënyrë të rrezikshme, ju keni gabime dhe kjo ndodh. Por ka të bëjë me qëndrimin besnik ndaj bindjeve tuaja, të gjeni një ekuilibër të duhur dhe të qëndroni të sigurt gjatë atyre periudhave. Është interesante të shihet se si do të ndodhë kjo, por besoj se kjo është një marrëveshje që do të arrihet në një moment gjatë kësaj dritareje transferimi”.
Ferdinand shtoi se United u kthye te Onana pasi lejoi De Gean të vazhdojë drejt fundit të kontratës së tij: “Më kujtohet dhe kam parë shumë Ajaxin kur Erik ten Hag ishte aty dhe shumë nga ato që ai dëshiron të bëjë është të luajë nga prapa. Ju mund të shihni kur ai erdhi për herë të parë te Unitedi ata gabuan shumë herë. Ndaj Brentford është një lojë që qëndron në mendjen time atje ku ata po përpiqeshin të zbatonin stilin e tij të lojës, i cili padyshim është duke luajtur nga prapa, duke nisur nga portieri.
"Ata u shtypën nga presioni dhe u munduan shumë për ta bërë këtë. Më pas ata ndërruan pas kësaj dhe filluan të luanin pak më shumë me topa të gjatë dhe të balanconin duke luajtur nga prapa dhe pastaj duke vazhduar gjatë. Unë mendoj se në mënyrë ideale ai do të dëshirojë të jetë një ekip që luan nga prapa shpejt dhe të kontrollojë zotërimin e kontrollin topit përmes tranzicioneve dhe fazave të ndryshme të lojës. Për ta bërë këtë, ju duhet një portier i cili është plotësisht kompetent, vërtet i mirë, i qetë dhe autoritar dhe i sigurt për ta bërë këtë. Onana i përshtatet absolutisht kërkesave.
“Më kujtohet që fola me Pep Guardiolën para finales së Ligës së Kampionëve dhe ai theksoi Onanën, portierin, si dikë për të cilin ata do të duhet të përgatiten. Për sa portierë duhet të përgatiteni normalisht për sa i përket rritjes dhe ndërtimit nga prapa? Nuk ka shumë në futbollin botëror. Onana është një prej tyre, kështu që ai patjetër do t'i japë Manchester United një ndjesi përparësie. Ai do t'i japë Man United më shumë besim dhe më shumë aftësi për të luajtur nga prapa dhe unë mendoj se ai i përshtatet një ekipi të Erik ten Hag plotësisht, kështu që unë mund të shoh se marrëveshja është duke u realizuar."
