Lampard: Tifozët duhet ta pranojnë realitetin, s'kemi gjasa as për top 8

Trajneri i Chelseas, Frank Lampard ka thënë se tifozët duhet ta pranojnë realitetin pasi këtë edicion nuk do ta përfundojnë as në top tetë me të mirët.

Që kur u rikthye te "Blutë" si trajner i përkohshëm Chelsea ka pësuar gjashtë humbje derisa synojnë të këndellen ndaj Bournemouthit të shtunën.

Në konferencë për shtyp, Lampard pranoi se ka ardhur koha që tifozët e skuadrës londineze ta pranojnë realitetin që ky edicion ka qenë dëshpërues.

"Tek Chelsea kemi qenë më fat që 20 vite. Kur vëmendja është tek ti, është te ti. Duhet ta kuptosh këtë dhe t'ia dalësh".

"Nuk është për mua që të ulem dhe të ndihem shumë i lënduar. Më shumë cili është veprimi për të na nxjerrë jashtë. Aksioni këtë sezon nuk do të na çojë në Ligën e Kampionëve ose në tetë më të mirët. Jo të gjithë fansat duan ta dëgjojnë këtë, por është një realitet në të cilin jam rikthyer”.

Lampard vazhdoi ta diskutojë situatën duke deklaruar se ka qenë tejet e vështirë duke qenë trajneri i katërt pas shkarkimit të Thomas Tuchelit, Graham Potter dhe Bruno Saltors.

"Mendoj se secila situatë është ndryshe. Jam trajneri i katërt, mund ta shihni se tërë sezoni ka qenë i vështirë. Çdo situatë është e ndryshme. Një situatë ndryshe për mua sepse kam qenë trajner i përhershëm më parë".

"Nëse menaxhoni, kam pasur tre puna të përhershme. Të gjithë e kuptojnë situatën e vështirë që kam ardhur. Duhet ta pranoni".

“Keni momente ku gjërat janë të lehta dhe disa jo aq. Nëse dëshironi të rendisni katër ndeshjet tona të fundit në Premierligë jo. Ata nuk janë të mirë. Kjo është fotografia e plotë. Pozicioni ynë në ligë është realitet, pikët tona, golat e shënuar janë realitet i sezonit. Katër trajnerë gjatë gjithë sezonit”.

“Ka një realitet. Nuk është detyra ime të përqendrohem shumë në këtë apo të mendoj për statistika nga jashtë”.

Chelsea renditet në pozitën e 12-të në tabelën e Premierligës dhe mund të bjerë deri në vendin e 14-të nëse humbet kundër Bournemouth këtë fundjavë.