Katar 2022 | Holanda nuk do të protestojë para ndeshjes me Ekuadorin

Kombëtarja e Holandës nuk do të protestojë para ndeshjes me Ekuadorin ashtu siç bëri ajo e Gjermanisë në ndeshjen hapëse të Kupën e Botës, thotë trajneri Louis van Gaal.

Lojtarët e Gjermanisë mbuluan gojën para ndeshjes së tyre kundër Japonisë për të treguar se "FIFA po hesht", sipas trajnerit të tyre Hansi Flick.

Katar 2022 / KATAR 2022 | Lojtarët e Gjermanisë e mbyllin gojën me dorë gjatë fotos ekipore: Të drejtat e njeriut janë të panegociueshme

Gjesti u pasua nga një vendim i FIFA-s ku bënte të qartë se kapitenët nuk duhet të mbajnë e shiritit OneLove gjatë ndeshjeve në Katar.

“Jo”, tha Van Gaal kur u pyet nëse ekipi i tij po planifikonte ndonjë protestë.

“Ne kemi vënë një pikë pas të gjitha çështjeve politike të enjten e kaluar. Ne e kemi këtë qëllim dhe nuk do ta kemi atë të njollosur nga veprimet e FIFA-s apo cilësdo organizatë tjetër.

"Por unë tashmë jam përgjigjur - mendoj se mjafton."

Holanda filloi fushatën OneLove përpara Euro 2020 për të promovuar diversitetin dhe përfshirjen dhe si një mesazh kundër diskriminimit.

“Ne i kushtuam shumë vëmendje kësaj [OneLove]”, tha mbrojtësi Denzel Dumfries. "Gjatë javëve të fundit, ne kemi folur shumë për këtë. Por ne erdhëm në Katar për të luajtur futboll. Kjo është ajo që ne jemi duke u fokusuar.

Ne kemi thënë atë që duhet të themi, dhe tani e tutje duhet të përqendrohemi në lojën e futbollit”.

Katar 2022 / Xhaka, Kane e Neuer mund të ndëshkohen me karton të verdhë para çdo ndeshje në Katar

Holanda mundi 2-0 Senegalin në ndeshjen e parë të Kupës së Botës 2022.

Sulmuesi i Barcelonës, Memphis Depay, hyri si zëvendësues në atë ndeshje pas dy muajsh jashtë loje me një dëmtim të kërdhokullës.

“Ai ka luajtur 30 minuta dhe hapi tjetër do të ishte 45 minuta”, tha Van Gaal.

"Lëndimi që ai ka e bën kaq të vështirë të vendosë se kur mund të startojë. Por ai është një lojtar i jashtëzakonshëm dhe kështu i kam lënë mënjanë parimet e mia sepse e konsideroj atë të jetë tepër i rëndësishëm për ekipin tim.

“Unë ua shpjegova këtë lojtarëve, se po i bëj të gjitha këto për Memphisin dhe lojtarët e pranuan këtë”.

Tulipanët prijnë në grupin A, me aq pikë sa ka edhe rivali i tyre i sotshëm, Ekuadori, ndërsa pa pikë janë organizuesi i turneut Katari dhe Senegali, që po ashtu përballen sot.