Juventusi ia paguan borxhin Ronaldos, por luftojnë akoma në gjykatë me portugezin
Presidenti i Juventusit, Gianluca Ferrero, thotë se klubi ka shlyer borxhin ndaj Cristiano Ronaldos, por që ende janë duke apeluar këtë vendim në gjykatë.
Superylli portugez Ronaldo e çoi Zonjën e Vjetër në gjykatë për pagat e supozuara të papaguara. Ai pretendoi se i kishin borxh një shumë të konsiderueshme për shkak të kalimit të tre viteve në Torino midis 2018 dhe 2021 – kur u largua nga Italia dhe u kthye në Manchester United.
Një gjykatë vendosi në favor të Ronaldos, me Juventusin e udhëzuar të paguante gjysmën e borxhit ndërsa CR7 mori faturën për 50% të tjera. Bianconerët konsiderojnë se kjo çështje është mbyllur financiarisht, pa pasur nevojë që ata të lënë mënjanë fonde.
Presidenti Ferrero tha në një mbledhje të fundit të aksionerëve kur u pyet për ndonjë para që i detyrohej ende ish-nr.7 të klubit: "Ne paguam Cristiano Ronaldon në prill, nuk ka nevojë për asnjë fond rreziku. Ne paguam 50% të shumës që ai kërkoi, kështu që nuk ka nevojë për fond risku sepse shumat janë paguar”.
Ndërsa Juventusi ka shlyer borxhin e tyre, ata ende shpresojnë të marrin një rimbursim. Pasi kundërshtoi pretendimet origjinale nga Ronaldo, Ferrero shtoi: "Ne nuk pajtohemi me këtë vendim, i cili vendosi një ndarje të barabartë të përgjegjësive, kështu që ne e kemi apeluar atë në gjykatën e Torinos".
Ronaldo regjistroi 101 gola për Juventusin në 134 paraqitje , duke i ndihmuar të fitojnë dy titujt e Serie A-së dhe një triumf të Kupës së Italisë. Ai vazhdon ende të luajë, ndonëse në moshën 39-vjeçare, me pesë herë fituesin e Topit të Artë, tani në listën e Al Nassr në skuadrën Ligës Pro Saudite.
