Ish-ylli i Manchester Unitedit dënohet me 12 muaj burg
Ish-ylli i Manchester Unitedit, Patrice Evra, është dënuar me 12 muaj burg me kusht, për akuzën që rëndonte mbi të: 'Braktisje e familjes'.
Sipas Le Parisien, Evra është dënuar me 12 muaj burgim me kusht pasi u shpall fajtor për braktisjen e familjes së tij për një periudhë dyvjeçare. Ai supozohet se i detyrohet mbi 800,000 funte (1 milion dollarë) në pagesa alimentacioni ndaj Sandra Evra dhe dy fëmijëve të tyre.
Dënimi është pezulluar për dy vjet, por ish-mbrojtësi anësor duhet gjithashtu të paguajë 4,000 euro (3,300 £/4,300 dollarë) për dëmet morale dhe 2,000 euro (1,600 £/2,100 dollarë) për shpenzimet ligjore. Evra ka apeluar vendimin. Dyshja u ndanë në vitin 2020 dhe procedurat e divorcit filluan, por nuk janë finalizuar.
Jerome Boursican tha: "Z. Patrice Evra paraqiti një apel, duke ditur se ai i dha gruas së tij një apartament, një shtëpi me një pishinë në jug të Francës dhe se i dha asaj hua pothuajse dy milionë euro për jetën e saj të përditshme. Një shumë që ajo refuzon të kthejë, gjë që është arsyeja e këtij gjyqi”.
Evra dhe gruaja e tij së shpejti do të vazhdojnë ta luftojnë këtë rast përmes gjykatave. Mbetet të shihet se kur do të dëgjohet ankesa e tij. Ndërkohë, Evra ka një familje tjetër; është fejuar me Margaux Alexandra dhe kanë dy fëmijë.
