Interi triumfon me lehtësi ndaj Parmës, tani vetëm një pikë larg Napolit
Kampioni në fuqi i Serie A-së, ka vazhduar serinë e suksesshme të rezultateve, duke shënuar fitore 3:1 në San Siro ndaj Parmës.
Zikaltrit tani në 13 ndeshjet e fundit kanë 11 fitore dhe dy barazime, me humbjen e fundit që daton më 22 shtator ndaj Milanit në derbin e qytetit.
Skuadra e Simone Inzaghit ishte dominuese në çdo cep të fushës ndaj, duke krijuar shumë raste shënimi e mbizotëruar topin në fushë.
Pas disa aksioneve të shpërdoruara, Interi e gjeti golin e epërsisë në minutën e 40-të, kur Federico Dimarco realizoi për 1:0, pas një asistimi shumë të mirë nga Henrikh Mkhitaryan.
What a goal by Dimarco. That touch is nuts pic.twitter.com/fPK9N4WiRq
— Momito👑 (@ftblmenace) December 6, 2024
Me këtë rezultat u mbyll pjesa e parë e takimit, teksa në vazhdim u shënuan edhe tre gola.
Mesfushori armen sërish bëri një asist të jashtëzakonshëm, ndërsa kësaj radhe realizues ishte Nicolo Barella, për rezultatin 2:0, në minutën e 53-të.
🚨🇮🇹 GOAL | Inter 2-0 Parma | Nicolo Barella
— Tekkers Foot (@tekkersfoot) December 6, 2024
NICOLO BARELLA DOUBLES THE LEAD FOR INTER!pic.twitter.com/K4kxxR2VNZ
Në listën e golashënuesve nuk kishte si të mungonte realizatori më i mirë i Interit këtë sezon. Marcus Thuram shënoi për 3:0 në minutën e 67-të, kur u asistua nga Yann Bisseck.
Parma krejt çfarë bëri në këtë takim ishte autogoli i Darmian në minutën e 81-të, për rezultatin përfundimtar 3:1.
⚽️GOAL🇮🇹 | Inter 3-1 Parma | Darmian (OG)
— Goals Xtra (@GoalsXtra) December 6, 2024
pic.twitter.com/34tExitd5s
Zikaltrit tani janë vetëm një pikë prapa liderit, Napoli, dhe me pikë të barabarta me Atalantën.
