Interi shënon fitore të lehtë ndaj Empolit, shkëlqen Frattesi
Interi ka bërë hap para në Serie A, në ndjekje të liderit, Napoli.
Zikaltrit të ndihmuar nga një karton i kuq i Empolit, shënuan fitore 3:0 në udhëtim dhe tani janë vetëm katër pikë larg skuadrës së Antonio Contes, në garën për kreun e tabelës.
Interi i Simone Inzaghit e dominoi tërësisht takimin, por që pjesa e parë nuk prodhoi asnjë gol.
Kartoni i kuq Goglichidze në minutën e 31-të ndryshoi rrjedhën e takimit, me zikaltrit që ishin të pamëshirshëm në pjesën e dytë.
Davide Frattesi hapi serinë e golave në minutën e 50-të, që shënoi gol të bukur për 1:0, i asistuar nga Darmian.
Frattesi finds the net with a bit of luck! His shot takes a deflection, leaving the Empoli keeper with no chance.⚡️
— STARZPLAY | ستارزبلاي (@STARZPlayArabia) October 30, 2024
Video Courtesy - Serie A#SerieA #InterMilan #DavideFrattesi pic.twitter.com/noNWpjIhzO
17 minuta më vonë, mesfushori italian shënoi përsëri, tani për 2:0, e Lautaro Martinez bëri asistim fantastik me thembër.
🚨🇮🇹 GOAL | Empoli 0-2 Inter | Davide Frattesi
— Tekkers Foot (@tekkersfoot) October 30, 2024
DAVIDE FRATTESI DOUBLES THE LEAD FOR INTER!pic.twitter.com/sJg35BuI41
Për rezultatin përfundimtar u kujdes Lautaro Martinez, që shënoi lehtësisht për 3:0, me Barellën që asistoi, pasi fitoi topin nga një pakujdesi e Empolit në vijën e fundit.
Lautaro Martinez breaks his goal drought with a clinical finish against Empoli!💥
— STARZPLAY | ستارزبلاي (@STARZPlayArabia) October 30, 2024
Video Courtesy - Serie A #SerieA #InterMilan #LautaroMartinez pic.twitter.com/JFxscga596
Interi kështu me fitore 3:0 shkon në kuotën e 21 pikëve nga 10 ndeshje të zhvilluara, katër më pak se Napoli i vendit të parë.
Ndeshja e radhës për kampionin në fuqi është ndaj Venezias më 3 nëntor, teksa më 6 nëntor takohet me Arsenalin në Ligë të Kampionëve.
