Interi pranon ofertën e PSG-së për Skriniarin, por Atalanta shfaqet si pengesë
Raportimi i fundit ka ardhur nga Sportitalia, ku thuhet se Interit ka pranuar ofertën e Paris Saint-Germain për mbrojtësin sllovak, Milan Skriniar, por problemi qëndron te Atalanta e cila nuk dëshiron ta lë Merih Demiral të largohet në drejtim të zikaltërve.
Skriniar ka konfirmuar tashmë një marrëveshje me gjigantët e Ligue 1, të cilëve do t'i bashkohej si një transferim i lirë në fund të kontratës së tij me Interin në qershor.
PSG është përpjekur të bie dakord për një tarifë transferimi me Interin në afatin e janarit dhe sipas Sportitalia, ata arritën objektivin e tyre, duke shtrënguar duart për një transferim të mundshëm prej 15 milionë euro.
IL PSG HA RILANCIATO A 15 MILIONI PER SKRINIAR.
— Tancredi Palmeri (@tancredipalmeri) January 31, 2023
L’INTER HA ACCETTATO.
MA SERVE PRIMA IL SOSTITUTO.
ATALANTA INAMOVIBILE: 25 MILIONI PER OBBLIGO DI RISCATTO PER DEMIRAL.
SE L’INTER NON TROVA IL SOSTITUTO, SKRINIAR NON PARTE
Megjithatë, Interi nuk do ta lërë mbrojtësin e tyre të largohet pa një zëvendësues të vlefshëm. Sipas raportimit, ata u përpoqën të merrnin Demiralin nga Atalanta, por kaltërzinjtë kërkuan një marrëveshje fillestare huazimi me një detyrim për të blerë për 25 milionë euro në fund të sezonit, që është shumë për zikaltrit.
Sky Sport Italia pretendon se oferta e vetme e PSG-së për 27-vjeçarin ishte 10 milionë euro dhe ishte refuzuar nga Interi ditë më parë.
Gjigantët e Serie A refuzuan të shesin Skriniar për më pak se 70 milionë euro verën e kaluar, pavarësisht se e dinin se nuk do të ishin në gjendje të përmbushnin ofertën e kontratës së PSG-së për mbrojtësin e tyre, i cili kishte vetëm një vit të mbetur në kontratën e tij në Stadio Meazza.
Në çdo rast, Skriniar pritet të qëndrojë në Inter deri në fund të sezonit, duke u larguar për asgjë në qershor. Ai është i suspenduar për ndeshjen e radhës në Serie A dhe nuk pritet të luajë në ndeshjen sonte kundër Atalantës për Kupën e Italisë.
