Interi fillon bisedimet me Porton, pasi Taremi ka dhënë 'dritën e gjelbër'

Mehdi Taremi është pajtuar me kushtet personale që ia ka ofruar Interi, para afatit kalimtar të verës, ku ai do të jetë një lojtar i lirë dhe tashmë zikaltrit zyrtarisht kanë njoftuar skuadrën aktuale të tij Porton, për bisedimet.

Kontrata e sulmuesit 31-vjeçar iranian skadon me klubin portugez në fund të këtij sezoni dhe një marrëveshje e re nuk do të nënshkruhet, duke e bërë këtë gjashtë muajt e tij të fundit në klub. Ai ka bërë mirë që nga ardhja e tij në vitin 2020, duke shënuar 86 gola dhe duke dhënë 53 asistime në 171 ndeshje.

Taremi ka rënë dakord të nënshkruajë një kontratë trevjeçare me Interin, me vlerë rreth 3 milionë euro neto në sezon plus bonuse. Ai ishte në prag të bashkimit me rivalët e zikaltërve, Milanin, në verë, përpara se një marrëveshje të dështonte në momentet e fundit.

Siç raportohet nga Calciomercato.com, Interi i i ka shkruar tashmë zyrtarisht Portos për t'i informuar për negociatat në vazhdim me Taremin, duke bërë të qartë se ata presin mirëkuptim nga klubi portugez, që lojtari të kalojë si i lirë në verë te Interi.

Gjithçka që i mbetet 31-vjeçarit në këtë pikë është të kryejë testet mjekësore me klubin dhe të vendosë të zezën mbi të bardhë në kontratën e tij.