I lënduari Pogba i dërgon mesazh motivues bashkëlojtarëve në Katar

Mesfushori i Francës dhe Juventusit, Paul Pogba, i ka dërguar një video-mesazh bashkëlojtarëve të kombëtares, në mënyrë që të rrisë motivimin e tyre, kur kanë mbetur shumë pak deri në fillimin e finales Argjentinë – Francë.

Skuadra e Didier Deschamps synon të ruajë trofeun e tyre të Kupës së Botës sot, kur do të përballet me Argjentinën në finalen e Katarit 2022.

Futboll / E konfirmon agjenti: Paul Pogba humb Kupën e Botës shkaku i lëndimit në gju

Pogba, i cili ka humbur turneun për shkak të lëndimit, i ka dërguar një video-mesazh mbështetës gjelave përpara ndeshjes së madhe.

"Mirë djema. Për herë të dytë djema...në finalen e Kupës së Botës. Dhe kjo është hera e dytë radhazi. Nga këtu, unë ju jap të gjithë mbështetjen time, të gjithë forcën time," tha ai. "Dhe një finale, ju e dini, ju nuk e luani atë, ju e fitoni atë! Kështu që ju uroj gjithë të mirat. Ju uroj fat. Po zotëri! Allez Les Bleus."

Katar 2022 / KATAR 2022| Franca është gati për Argjentinën, rikuperohen të gjithë lojtarët që ishin të infektuar me virus

Franca do të bëhej skuadra e parë që nga viti 1962 që do të ruante trofeun e Kupës së Botës nëse do ta mund Argjentinën në finale. Megjithatë, kampionët në fuqi përballen me një skuadër argjentinase që është frymëzuar nga Lionel Messi në Katar.

Kapiteni i jug-amerikanëve synon të ngrejë trofeun e famshëm për herë të parë në karrierën e tij në atë që me shumë gjasë do të jetë paraqitja e tij e fundit në Kupën e Botës.

Franca është në finale të Botërorit për herë të katërt dhe po kërkon të bëhet vetëm kombi i tretë që fiton Kupat e Botës radhazi, pas Italisë dhe Brazilit.