I lënduari i Chelseat apo ylli i PSG-së, Milani në ‘gjueti’ për Armando Brojën dhe Ekitiken
Raportohet se AC Milan ka identifikuar dy profile sulmuesish që ka për synim në këtë afat kalimtar, me njërin që do të tentojnë patjetër të jetë prurja e fundit e verës. Mësohet se kjo listë përbëhet nga sulmuesi i Kombëtares së Shqipërisë dhe Chelseat Armando Broja dhe yllit të Paris Saint-Germain, Hugo Ekitike.
Sipas raportimeve të Gianluca Di Marzios, si Broja ashtu edhe Ekitike janë duke u vëzhguar nga afër, me kuqezinjtë të prirë të kërkojnë një marrëveshje për këtë të fundit në formë huazimi, por vetëm nëse nuk ka detyrim për të blerë pas përfundimit të saj. Trajneri i ri i PSG-së, Luis Enrique, e ka emëruar tashmë ish-sulmuesin e Reims si një nga emrat e disponueshëm për t'u larguar nga klubi këtë verë.
Me sulmuesin me përvojë Olivier Giroud tani 36 vjeç, duket se skuadra e Serisë A po kërkon t'i sigurojë francezit një mbulesë shumë të nevojshme për sezonin e ri. Giroud shënoi 18 gola në 47 paraqitje sezonin e kaluar dhe tashmë ka hapur llogarinë e tij për sezonin 23/24, kur shënoi në fitoren e Milanit në ndeshjen e parë ndaj Bolognas.
Broja i Chelseat mund të konsiderohet si një opsion tjetër, por shqiptari ende nuk është rikthyer në formën e plotë shëndetësore, pas dëmtimit të ACL-së që pësoi gjatë pushimit të vitit të kaluar për Kupën e Botës.
