“Hojlund nuk është si Haaland, nuk vlen 60 milionë euro” – Skautët paralajmërojnë Man Utd për yllin e Atalantës
Manchester Unitedi ka marrë një paralajmërim nga dy skautët kryesor, se Rasmus Hojlund mund të mos jetë lojtari që djajtë e kuq po kërkojnë, duke thënë se ai nuk vlen 60 milionë euro dhe nuk është një makineri golash siç është Erling Haaland.
Djajtë e kuq po kërkojnë të sjellin një sulmues për të lehtësuar barrën e golave për Marcus Rashford dhe sulmuesi 20-vjeçar i Atalantas Hojlund është një nga emrat në listë.
Megjithatë, dy skautët kryesorë kanë paralajmëruar se i riu danez mund të mos ia vlejë çmimin e kërkuar prej 60 milionë eurosh të Atalantës dhe se ai nuk është një makineri golash si ylli i Manchester Cityt, Erling Haaland.
Një skaut i tha The Mirror: "Ai është ende i paprovuar dhe Premierligë është një vend shumë i pafalshëm, veçanërisht nëse je me fanellën e Manchester United. Ai luan me këmbë të majtë, i fortë dhe i fuqishëm, kështu që në mënyrë të pashmangshme do të ketë disa krahasime me Erling Haaland por ai nuk është në nivelin e tij. Haaland është një talent gjeneratash. Statistikat e Hojlund nuk janë askund afër Haaland dhe përfundimi i tij mund të jetë ai që kërkohet."
Një tjetër skaut tha: "Ai nuk është Haaland. Është gjithashtu e çuditshme që ai përmendet së bashku me Harry Kane si një objektiv i mundshëm i Unitedit, ata janë botë të ndryshme".
Hojlund shënoi nëntë gola për Atalantën në 1,836 minuta në fushë sezonin e kaluar, duke shënuar një përqindje të ulët prej vetëm 16.7 për qind. Ai gjithashtu humbi njëmbëdhjetë raste të pastra shënimi.
20-vjeçari padyshim ka një potencial të madh, por ai është larg një lojtari të kompletuar. Do të ishte një kërkesë e madhe që i riu të sigurojë atë lloj rezultati që United duhet të sfidojë për Ligën Premier dhe Ligën e Kampionëve.
