Henry thotë se tre lojtarë u cilësuan më të talentuar se Saka në akademinë e Arsenalit

Thierry Henry ka thënë se ka respekt shumë të madh për Bukayo Saka, pasi që i njëjti kurrë nuk është konsideruar si nga talentët më të mëdhenj në akademinë e Arsenalit.

Golashënuesi rekord i të gjitha kohërave të klubit punoi së bashku me Sakan gjatë fazës zhvilluese të karrierës së tij, por pranoi se anësori nuk ishte vërtet në radarin e tij.

Saka që atëherë ka lulëzuar në atë masë ku ai, së bashku me Martin Odegaard, është forca kryesore sulmuese e Arsenalit, ndërsa disa nga bashkëmoshatarët e tij dështuan.

“Në kohën kur isha në akademi [stërvitja skuadrën], njerëzit flisnin shumë për Chris Willock, Reiss Nelson, Donyell Malen dhe Bukayo ishte thjesht i mirë…, por nuk ishte në planet e akademisë,” tha Henry për BBC Sport.

“Kjo është arsyeja pse kam respekt të çmendur për Buakyo dhe kam një vend të veçantë për të dhe lojtarin tim të preferuar”.

Saka ka ende vend për përmirësim, megjithatë, sipas Henry, i cili zbuloi se ai, në një bisedë të fundit me 23-vjeçarin, e sfidoi atë të përmirësonte goditjet e lira.

Ai tha: "Ai ka qenë atje për një kohë të gjatë, ai është shumë i këndshëm. Nuk e kam menduar kurrë se ai do të arrijë nivelin që po shohim. Ai është titullar për Anglinë, ai është padyshim titullar për Arsenalin. Më kujtohet kur filloi në fillim, luante krahun e mbrojtës, majtas, djathtas. Evolucioni i lojës së tij është thjesht i jashtëzakonshëm, sepse ai dikur ishte i gjallë, i vështirë për t'u mbrojtur, për të asistuar, për të shënuar gola, deri tani gola dhe asistime, duke ekzekutuar penallti. Ti e di që unë e sfidova atë një ditë tjetër, duhet të marrësh gjuajtjet e lira tani."

Saka pritet të luajë një rol qendror kundër Monacos këtë mbrëmje, pasi Arsenali kërkon të bëjë një hap të madh drejt konfirmimit të kualifikimit automatik në raundin tjetër të Ligës së Kampionëve.